विदेश बैंकिङ

एआइआइबीको दोस्रो वार्षिक बैठक कोरियामा

एआइआइबीको दोस्रो वार्षिक बैठक कोरियामा

 

असार - १ । चीन सरकारको अग्रसरतामा स्थापित एसियन इन्फ्रास्टक्चर इन्भेस्टमेन्ट बैंकको दोस्रो बार्षिक बैठक दक्षिण कोरियामा यसै हप्ता हुने भएको छ । उक्त बैंकको बोर्ड अफ गभर्नस्को दोस्रो बैठक यही शुक्रबार र शनिबार दक्षिण कोरियाको दक्षिणी भूभागमा रहेको जेजु रिसोर्टमा हुने भएको छ ।

यस बैंकको पहिलो बार्षिक बैठक चीनको राजधानी बेइजिङ्मा गतबर्ष भएको थियो । यो बैंकको औपचारिक स्थापना सन् २०१६ मा मात्र भएको हो । यो बैंक चीन सरकारको अग्रसरतामा स्थापना भएको हो ।

यस बैंकलाई बहुराष्ट्रिय बिकास बैंकका रुपमा विकास गर्ने योजना बनाइएको छ । यस बैंकले एसियाली राष्ट्रहरुमा पूर्वाधारको विकासका लागि आर्थिक सहायता र ऋण दिने छ ।

सो बैठकमा यो बैंकका सदस्य राष्ट्रहरुका करिब २ हजार सरकारी अधिकारी, पत्रकारहरु, बैंकका प्रतिनिधिहरु र अन्तर्राष्ट्रिय एजेन्सीका व्यक्तिको सहभागिता रहने जानकारी दिइएको छ ।

यो बैठक बिशेषगरी बैंकहरुको व्यवस्थापनका साथै एसियाली क्षेत्रमा पूर्वाधारको निर्माणजस्ता विषयमा केन्द्रित हुने भएको छ ।

दक्षिण कोरियाली सरकारले दिएको जानकारी अनुसार सो बैठकको मुख्य विषय बस्तु दिगो पूर्वाधार निर्माणजस्ता विषयमा केन्द्रित हुने पनि सो समाचारमा जनाइएको छ ।

यो बैठकको आयोजनाबाट दक्षिण कोरियालाई यसको आर्थिक क्षेत्रको बिकासका साथै विभिन्न देशहरुसँग आफ्नो सरकारको आर्थिक सम्बन्ध सुधार हुने कोरियाली अर्थमन्त्रालयले जानकारी दिएको छ । सिन्ह्वा

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।  

पुरा पढ्नुहोस्