अर्थ कर्पोरेट बैंकिङ

‘सक्षम’ र ‘आईएमई डिजिटल सोलुसन’बीच साझेदारी

‘सक्षम’ र ‘आईएमई डिजिटल सोलुसन’बीच साझेदारी
फागुन – १२ । काठमाडौँमा आयोजित एक कार्यक्रममा आईएमई डिजिटल सोलुसन र संयुक्त अधिराज्यको सहयोगमा सञ्चालित सक्षम कार्यक्रमका बीचमा साझेदारी सम्पन्न भएको छ । डिजिटल सोलुसन लिमिटेड आईएमई ग्रुपको सहायक कम्पनी हो भने सक्षम वित्तीय क्षेत्रमा पहुँचसम्बन्धी संयुक्त अधिराज्यको सहयोगमा सञ्चालित कार्यक्रम हो । यसले नेपालमा लामो समयदेखि प्रतिक्षा गरिएको मोबाइल फोनमा आधारित वित्तीय सेवाहरू प्रारम्भ गर्नका लागि आधारशीला तयार गर्ने कम्पनीको भनाइ छ । कम्पनीले मोबाइलमा आधारित वित्तीय सेवा आरम्भ गरी पर्याप्त बैङ्किङ सेवा पाउन नसकेका नेपालका जनतासम्म वित्तीय पहुँच पु¥याउनुका साथै नेपालको वित्तीय समावेशीकरणका क्षेत्रमा महत्वपूर्ण योगदान पु¥याउने लक्ष्य लिएको कम्पनीले जनाएको छ । त्यस्तै, डिएफआईडी नेपालका लागि लुईस बर्जरद्वारा स्थानीय तथा अन्तर्राष्ट्रिय संस्थाहरूसितको सहकार्यमा सक्षमको कार्यान्वयन भइरहेको कम्पनीले सर्वाजनिक गरेको विज्ञप्तिमा उल्लेख गरिएको छ । साझेदारीले हाल नेपालभरि आईएमईको विप्रेषण सेवा लिइरहेका ६ लाखभन्दा बढी उपभोक्ताका साथै गैर–रेमिटेन्स क्षेत्रलाईसमेत मोबाइलमा आधारित वालेटको सेवा उपलब्ध गराउने लक्ष्य लिएको कम्पनलीले जनाएको छ । सो अभियानमार्फत् आईएमईले वित्तीय सेवाबाट वञ्चित ग्रामीण क्षेत्र, न्यून बैंकिङ सेवा पाएका र बैंकिङ सेवाबाट वञ्चित समुदायसम्म पुग्नका लागि मोबाइल नेटवर्क सञ्चालकहरू, आफ्नै रेमिटेन्स एजेन्टहरू, वाणिज्य बैंकहरू, शाखारहित बैंकिङ सेवाका एजेन्ट र मर्चेन्टहरूसित साझेदारी गर्ने बताएको छ । साझेदारी हस्ताक्षर समारोहको प्रमुख आतिथ्यता नेपाल राष्ट्र बैंकका गभर्नर डा. चिरञ्जिवी नेपालले गरेका थिए । सो कार्यक्रममा नेपाल दूरसंचार प्राधिकरणका निर्देशक आनन्दराज खनाल, डिएफआईडी नेपालका आर्थिक विकास समूह प्रमुख गारेथ विअर, नेपाल बैंकर्स एशोसियनका अध्यक्ष अनिलकेशरी शाह र सक्षमका समूह प्रमुख बलजित बोहोरा लगायत अन्य विशिष्ट अतिथिहरूको पनि उपस्थिति रहेको थियो । IME UKaid

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।  

पुरा पढ्नुहोस्