भिडियो कुरा: खस्रा मिठा

वाम एकताले अब चीन पनि नेपालबाट टाढिन्छ, अति गलत भयो (भिडियोसहित)

वाम एकताले अब चीन पनि नेपालबाट टाढिन्छ, अति गलत भयो (भिडियोसहित)

राजनीतिलाई केही फरक र धारिलो टिप्पणी गर्न रुचाउनु हुने विश्लेषक अरुण सुवेदीले वाम एकताको सन्दर्भ लामो समयको प्रशिक्षणबाट सम्भव भएको बताउनु भएको छ । विशेषतः दुई वाम पार्टी र कम्युनिष्ट छाडेर फेरि कम्युनिष्टमै ‘सति जानु भएका’ डा. बाबुराम भट्टराईप्रति विश्लेषक सुवेदीको स्पष्ट धारणा छ । नेपाल आजको आफ्नो नियमित स्तम्भ ‘कुरा खस्रा मीठा’मा उहाँले राख्नु भएका धारणाको मुख्य अंश निम्नानुशार छन्ः

नेपालका कम्युनिष्टहरु आपसमा मिल्ने कुरा पहिलेदेखि कै हो । यो विषयको प्रशिक्षण धेरै अघिदेखिको हो । संविधान जारी हुनुअघि केपी ओलीका जे जस्ता अडान थिए, ती अडानले संविधान जारी हुने सम्भावना कम थियो । उहाँले नाटकीय ढंगले राजनीतिक ‘मोड’ परिवर्तन गरेर असम्भवलाई सम्भव बनाइदिनु भयो । त्यो घटना जे कारणले सिर्जना भयो, ठीक त्यही कारणले अहिले उहाँ माओवादीसँग पार्टी एकतासम्मको अवस्थामा पुग्नुभएको छ ।

 

यसमा मुख्यतः युरोपेली, अमेरिकी र भाजपाका प्रतिपक्षी शक्तिले यसो गराएका हुन् । जसरी नरेन्द्र मोदी नेतृत्वको भारतलाई नेपालबाट ‘आइसोलेट’ गरियो, त्यसै गरी अब चीनलाई पनि गरिन्छ । अहिलेको घटना चीनले गराएको प्रचारबाजी हुनेछ ।

 

सुनिए अनुशार भारतले हिसाब देखाउन नपर्ने जासुसी खर्च कटौती गरेको छ । जसका कारण नेपालका केही मानिसहरु अप्रत्याशित रुपमा भारतीय हन्डीबाट विमुख भए । अहिले उनीहरु भारतविरोधी पनि देखिएका छन् । भारतले पैसा छरेको ठाउँमा अहिले युरोपेली युनियन र अन्यले खर्च गर्न थालेका छन् । फलस्वरप अहिले तराईमा पनि भारत कमजोर बनेको छ । अमेरिका र चीनको कर्पोरेट सेक्टरबाट फन्डिग हुने गरेको सुनिन्छ । कृष्णबहादुर महराले ५० करोड मागेको कुरा सुनिएकै हो । यसकरण अहिलेको परिवेशमा मोदीको खेल छैन ।

 

तर सम्भावना हुँदै नभएको भने होइन । भारतीय संस्थापनको पैसा खाएर नेपालमा भारतकै विरोध गर्ने, भारतलाई सधै नेपालबाट खतरा देखाउने प्रपञ्च पनि हुन सक्छ । यसोभयो भने भारत सधै नेपालमा हस्तक्षेपका लागि तयार हुन सक्छ । यो राम्रो होइन ।

 

नेपालमा भारतले फुटाऊ र राज गर अनि जुटाऊ र राज गरको रणनीति लिएकोछ । १२ बुँदे, ४६ सालको आन्दोलन आदिमा यस्तै देखियो । मंगोलीयामा चीनको नीति, रसियाले छिमेकीसँग गरेको व्यवहारले ठूला राष्ट्रले छिमेकी साना राष्ट्रलाई यस्तै गर्दा रहेछन् ।

 

अहिलेको नेपालको परिघटना मोदीको हारका रुपमा आउन सक्छ । तर यसको वृहत्तर नीति भनेको नेपालबाट भारतलाई आयसोलेट गरिसकेपछि चीनलाई पनि आइसोलेट गर्ने अति नै महत्वपूर्ण कडी हो ।

 

अब एमाले, माओवादी र नयाँ शक्ति केन्द्रको तालमेल पछि कांग्रेसमा पनि एकताको दबाब परेको छ । मधेसी दलसँग तालमेल  गर्नु भनेको कांग्रेसका लागि आत्मघाती हो  । तराई मधेसीलाई दिने, पहाडमा राप्रपासँग तालमेल गर्दा  कांग्रेसले के पाउने ? बुद्धि भए कांग्रेस एक्लैले चुनाव लड्नु पर्छ । 

कुरा: खस्रा मिठा अरुणकुमार सुवेदी
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।