राजनीति समाचार

ओलीलाई दुईथरी झट्का, अविश्वासको प्रस्ताव पास हुनुपूर्व नै पदमुक्त

ओलीलाई दुईथरी झट्का, अविश्वासको प्रस्ताव पास हुनुपूर्व नै पदमुक्त

प्रधानमन्त्री केपी शर्मा ओली अविश्वासको प्रस्ताव पास हुनु भन्दा पहिले नै पदमुक्त हुने भएका छन् । सरकारले पेश गरेको आर्धिक विधयेक पारित हुन नसकेपछि राजनीतिक, संवैधानिक र नैतिकरुपमा प्रधानमन्त्री ओली पदमुक्त हुनेछन् । काँग्रेस, एमाले र माओवादीका बीचमा आर्थिक विधयेकलाई पहिले संसदमा टेबल गर्ने सहमति भएपछि संसद शुरु भएको हो । यसरी संसद शुरु भएपनि प्रधानमन्त्री ओलीका लागि राहत मिल्नेछैन ।

किनकी अविश्वासको प्रस्ताव पेश हुनुभन्दा पहिले नै उनी पदमुक्त हुनेछन् । आर्थिक विधयेकको छिनाफानो भएलगत्तै अविश्वासको प्रस्तावमाथि छलफल शुरु हुनेछ । छलफलपछि सो प्रस्ताव निर्णायर्थ पेश हुनेछ । आजै प्रधानमन्त्री ओली अविश्वासमा परी पदमुक्त हुनेछन् । प्रधानमन्त्री ओली पदमुक्त भइसकेपछि काँग्रेसको समर्थनमा माओवादी केन्द्रका अध्यक्ष प्रचण्ड प्रधानमन्त्री बन्नेछन् । प्रधानमन्त्री पदमुक्त भएपनि नयाँ प्रधानमन्त्रीको निर्वाचनका बारेमा विधि के भन्ने अन्यौल कायमै छ । तर, राजनीतिक समझदारीका आधारमा विधिको टुंगो लाग्ने बताइएको छ । यसबीचमा तलमाथि केही नभएमा प्रचण्ड दोस्रोपटक प्रधानमन्त्री हुनेछन् ।

देशको ३९ औं प्रधानमन्त्री प्रचण्डपछि काँग्रेस सभापति शेरबहादुर देउवा ४० औं प्रधानमन्त्री हुने कबुलियतनामा भइसकेको छ । गणतन्त्र स्थापना भएपछि पहिलो पटक काँग्रेस–माओवादी गठबन्धन सरकार बन्दैछ । पछिल्लो दशकमा काँग्रेस सरकारमा रहदा एमालेपनि सरकारमै रहदै आएको थियो । यसपटक एमाले प्रतिपक्ष बन्ने देखिन्छ । देशमा नयाँ समिकरणको शुरु भएको छ । यसअघि काँग्रेस बरिष्ठ नेता रामचन्द्र पौडेलले ओलीले राजिनामा दिने र नयाँ प्रधानमन्त्रीका बारेमा छलफल गर्ने प्रस्ताव गरेका थिए । सो प्रस्तावले प्रचण्डको मुखैमा आएको प्रधानमन्त्री पद हुत्याउने आंशका राजनीतिकवृत्तमा भएको थियो । पौडेलको प्रस्तावलाई काँग्रेस, माओवादी र मधेशी मोर्चाले अस्विकार गरेपछि प्रचण्डको सिंहदरबार प्रवेश निश्चितजस्तै बनेको छ ।

KP Sharma Oli