कला साहित्य

साहित्यकार विकलको ८९औँ जन्मजयन्तीका अवसरमा बालप्रतिभा पुरस्कार वितरण

साहित्यकार विकलको ८९औँ जन्मजयन्तीका अवसरमा बालप्रतिभा पुरस्कार वितरण
कला साहित्य

कार्तिक - १५ । साहित्यकार रमेश विकलको ८९ औँ जन्मजयन्तीका अवसरमा उनको प्रतिमास्थल आरुबारीमा बालप्रतिभा पुरस्कार वितरण गरिएको छ । ramesh-bikal विसं १९८५ कात्तिक शुक्ल द्वितीया अर्थात् भाइटीकाका दिन काठमाडौँको आरुबारीमा उनको जन्म भएको थियो । साहित्यकार विकलको ८९ औँ जन्मजयन्तीका अवसरमा रमेश विकल साहित्य प्रतिष्ठान र अभिनव साहित्य समाजले संयुक्तरुपमा आयोजना गरेको कार्यक्रममा स्थलगत कविता लेखन प्रतियोगितामा पहिलो, दोस्रो, तेस्रो र सान्त्वना हुने दुई गरी पाँच जनालाई सम्मानपत्रसहित पुरस्कार वितरण गरियो । समाजले स्थापना गरेको विकल बालप्रतिभा पुरस्कार कोषको रकमले प्रत्येक वर्ष स्थलगत कविता लेखन प्रतियोगिता आयोजना गरी पुरस्कृत गर्ने गरिएको सो अवसरमा जानकारी गराइयो । पुरस्कार वितरण समारोहलाई सम्बोधन गर्दै सांसद रामेश्वर फँुयालले हाँस्य व्याङ्ग्यकार भैरव अर्याल र रमेश विकलजस्ता चर्चित साहित्यकारले जन्म लिएको जोरपाटी आरुबारी क्षेत्रलाई साहित्यिक पर्यटकीयस्थलका रुपमा विकास गरिनुपर्ने बताए । कलाकार केके कर्माचार्यले विकल साहित्यकार मात्र नभई सिद्धहस्त चित्रकार पनि हुनुहुन्थ्यो भने । सो अवसरमा प्रतिष्ठानका अध्यक्ष रोचक घिमिरे र समाजका अध्यक्ष वेदमणि घिमिरेले साहित्यकार विकलको व्यक्तित्व एवम् कृतित्वका बारेमा प्रकाश पारेका थिए । प्रगतिवादी धाराका साहित्यकार विकलको ‘अविरल बग्दछ इन्द्रावती’, ‘सात सूर्य एक फन्को’ लगायत कृति चर्चित छन् । रासस Ramesh Bikal

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।  

पुरा पढ्नुहोस्