विदेशबाट कल गर्ने भए नेपाल टेलिकमकै सिममा गर्नू, कारण यस्तो छ (भिडियो)

  • मङ्गलबार, १७ साउन २०७४ गते मा प्रकाशित
4g

काठमाडौं । संसारमा जो जहाँ भए पनि नेपालमा रहेका आफन्तसँग टेलिफोनमा कुरा गर्न कसलाई पो मन लाग्दैन होला र ?

यदि नेपालमा रहेका आफन्तसँग नेपाल टेलिकमको सिम छ भने त विदेशमा रहेकाहरुका लागि ठूलो राहत हुन्छ । किनभने नेपाल टेलिकमको सिममा जहाँसुकैबाट कल गर्दा पनि सस्तो पर्छ । अन्य कम्पनीका सीमको तुलनामा नेपाल टेलिकमको सिममा कल गर्ने हो भने साँच्चै नै सस्तो पर्छ ।

टेलिकमले विदेशी टेलिकम कम्पनीहरुसँग गरेको सम्झौताअनुशार कम शुल्कमा नेपाल कल गर्न मिल्ने बनाएको छ । यस्ता सम्झौताहरु हरेक महिनाजसो भइरहन्छ । कुनै नविकरण हुन्छ, कुनै कम्पनीहरुसँग नयाँ सम्झौता पनि हुन्छ । एउटै देशमा पनि टेलिकम कम्पनीहरु धेरैवटा हुने भएकोले शुल्कको दर पनि फरक फर हुन्छ ।

तर जति नै फरक भए पनि नेपाल टेलिकमकाको सिममा कल गर्ने हो भने अन्य कम्पनीको तुलनामा धेरै सस्तो पर्छ । विदेशमा रहेकाहरुले नेपाल टेलिकमको सिममा कल गर्दा नआत्तिकन ढूक्कले कुरा गर्न सक्छन् ।
सरकारी स्वामित्वको नेपाल टेलिकमले नाफा असूल्ने मात्रै नभएर सेवामूलक ढंगले काम गर्छ । जसका कारण कुनै पनि नाफाखोर कम्पनीसँग यसको तुलना हुँदैन ।

मकवानपुर जिल्लाको भिमफेदीबाट रोजगारीको सिलसिलामा दुवई पुगेका अच्युत पौडेल भन्छन्, ‘घरमा बा आमा इमले इन्टरनेट चलाउन जान्नु हुन्न । त्यही भएर म त सधै कल नै गर्छु । नेपाल टेलिकम सस्तो छ भनेपछि आजकल नेपाल टेलिकमकै सिममा कल गर्छु । वास्तवमा धेरै सस्तो पर्दोरहेछ । मैले मेरो क्वाटरमा बस्ने अन्य ७ नेपालीलाई पनि नेपाल टेलिकमको सिममा कल गर्ने सल्लाह दिएको छु ।’

उनले आफ्नो क्वाटरमा तीन जना फिलिपिनी नागरिक पनि रहेको बताए । ती फिलिपिनीले पनि नेपालमा कल गर्दा लाग्ने सस्तो शुल्क देखेर आश्चर्य मानेको पौडेलले बताए । उनले भने, ‘दुबईबाट फिलिपिन्स कल गर्दा भन्दा पनि सस्तो नेपाल टेलिकमले अफर दिएको रहेछ । यो त विदेशमा बस्ने नेपालीहरुका लागि बरदान नै हो ।’

वास्तवमै नेपाल टेलिकमको यो अफरले लाखौ नेपाली लाभान्वीत भएका छन्, जो विदेशमा रहेर काम गरिरहेका छन्:

https://www.youtube.com/watch?v=APuBe44BBUs 

: