कभर स्टोरी भिडियो

विदेशीको पैसा खाएर मुलुकको पहिचान मेटाउन नेताहरु नै सक्रिय

विदेशीको पैसा खाएर मुलुकको पहिचान मेटाउन नेताहरु नै सक्रिय

कमल थापा नेतृत्वको राप्रपा दोस्रो चरणको राष्ट्रिय स्वाभिमान यात्रामा छ । यो पटक मुक्तिनाथदेखि गोरखासम्म रथा यात्रा गरिदै छ । यसअघि मेचीदेखि महाकालीसम्म रथ यात्रा गरिएको थियो । रथ यात्राको एउटै उद्देश्य राजसंस्था र हिन्दू धर्मको पुनस्र्थापना तथा संघीयताको खारेजीबारे जनतालाई जागृत गराउनु रहेको पूर्वमन्त्री तथा पार्टीकी सहमहामन्त्री कुन्ती शाहीले जानकारी दिइन् । 


उनले भनिन्, ‘गणतन्त्र, धर्मनिरपेक्षता र संघीयताले मुलुक बर्वाद हुन थाल्यो । यिनै राष्ट्रघाती एजेण्डालाई उपलब्धी मान्ने राजनीतिक दलका नेताहरु अकुत सम्पत्ति कमाउनतर्फ लागेका छन् । भ्रष्टाचार गर्दैछन् । विदेशीको पैसा खाएर मुलुकको पहिचान मेटाउन अहोरात्र लागिरहेका छन् । 
सार्वजनिक सम्पत्ति केही बाँकी राखेनन् । आफू र आफना छोराछोरीको स्वार्थ पूरा गर्न मात्र यिनको ध्यान छ । यो सबै नेताहरुको प्रलोभनले बिग्रेको हो । अब यिनलाई बढार्नु पर्छ । यसका लागि राजसंस्थाको पुस्र्थापना, हिन्दू राष्ट्रको स्थापना र संघीयताको खारेजी अपरिहार्य छ ।’">


आफना एजेण्डा र माग पूरा गराउन हामीले दुईवटा रणनीति अख्तियार गरेका छौं । एउटा सरकारसंग वार्ता र अर्को आन्दोलन । 
अहिले हामी सरकारसंग दोस्रो चरणको वार्ताको तयारीमा छौं । पहिलो चरणको वार्तामा आम जनताको चासो र समस्याका विषयमा कुराकानी भएको थियो । अब दोस्रो चरणको वार्तामा हामी सिधै राजनीतिक एजेण्डा प्रस्तुत गर्छौं । 


सरकारी टोलीसंग राजसंस्था र हिन्दू राष्ट्रको पुनस्र्थापनासहित संघीयताको खारेजीको विषयमा कडाइपूर्वक कुरा राख्ने र सरकारी जवाफ सुनेपछि सोही अनुसार कदम चाल्ने हाम्रो रणनीति छ । हामीलाई थाहा छ, वार्ताबाट गणतन्त्र जानेवाला छैन । संघीयता र धर्मनिरपेक्षता हटाउन यिनीहरु तयार हुनेवाला छैनन् । कम्तिमा यी विषय गलत हुन भन्ने बहसमा  यिनीहरु सहभागी हुन्छन भने पनि त्यसलाई हामी उपलब्धी नै ठान्ने छौं । 


नेपालमा विदेशीको पैसा नखाने कोही पार्टी छ भने त्यो राप्रपा मात्र हो । अरु सबैलाई विदेशीले किनेको छ । विदेशीको पैसा खाएपछि विदेशी एजेण्डा बोक्नुपर्ने तिनीहरुको बाध्यता छ । तिनीहरुबाट मुलुकले पार पाउने होइन झन संकट आउने छ । यसकारण दुःख सुख जे जस्तो होस आफनै जनतालाई देउता मानिरहेको राप्रपा नै देशभक्त पार्टी हो । हामी सकभर शान्तिपूर्ण तरिकाले जनताको अभिमत लिएर परिवर्तन गर्न चाहन्छौं । तर, विदेशीको पैसा खाएर देशलाई नै सिध्याउने षडयन्त्रमा यी दलहरु लागे हामी भीषण सडक आन्दोलनको बाटो रोज्न बाध्य हुनेछौं । ">


अहिले कतिपयले भारतीय जनता पार्टी र त्यहाँका प्रधानमन्त्री नरेन्द्र मोदीको जितलाई लिएर नेपालको राजनीतिको विश्लेषण गर्ने गरेका छन् । हामी भाजपा र मोदीजीलाई बधाई दिन्छौं । तर नेपालको परिवर्तन गर्ने भनेको नेपाली जनताले हो, विदेशीले होइन । 


हो, नेपाललाई हिन्दू राष्ट्र बनाउन छिमेकी देश र धार्मिक पार्टीको हिसाबले भाजपाले समर्थन गर्छ भने त्यो हाम्रो लागि खुशीको कुरा नै हुन्छ । 
हरेक राजनीतिक दलको आ–आफनो सिद्धान्त हुन्छ । त्यसलाई सबैलाई सम्मान गर्नुपर्छ । तर, यहाँ अधिकारकर्मीको आवरणमा राजनीतिक टिप्पणी गर्ने कृष्ण पहाडी जस्ता मान्छेले समस्या भएको छ । पहाडी जस्तो मान्छेले राष्ट्रिय पत्रिकामा लेख लेखेर हाम्रो पार्टी, हाम्रा नेता, हाम्रो सिद्धान्तलाई प्रतिगामी भन्न पाउँछ ? म त पहाडीलाई सम्मान गर्थे, तिनी त दरिद्र सोचका रहेछन् । 


राप्रपा र राप्रपा संयुक्तबीच चाँडै पार्टी एकीकरण हुँदैछ । देशको निम्ति व्यक्तिगत स्वार्थ नराखी राष्ट्रिय स्वार्थका लागि एकजुट हुन हाम्रा नेताहरु कमल थापा, पशुपतिशम्शेर राणा, डा. प्रकाशचन्द्र लोहनी लगायत तयार भैसकेका छन् । 
">

कमल थापा स्वाभिमान यात्रा
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।