भिडियो कभर स्टोरी

‘हेग’ को त्रास डलरवादीको खेल (भिडियोसहित)

‘हेग’ को त्रास डलरवादीको खेल (भिडियोसहित)

सत्तारुढ दल नेपाल कम्युनिष्ट पार्टी (नेकपा) का  नेता एवं सांसद देवेन्द्र पौडेलले हालै सार्वजनिक पार्टी एकीकरणताका भएको ५ बुँदे सहमति अक्षरशः पालना गर्नुपर्ने बताएका छन् । 

 


नेपाल आजसंगको विशेष कुराकानीमा नेता पौडेलले पार्टी अध्यक्ष पुष्पकमल दाहालले सहमतिका विषयमा व्यक्त गरेको धारणा स्वाभाविक भएको बताए । उनले आलोपालो प्रणाली अनुसार प्रधानमन्त्री चलाउने वा एक जनाले सरकार र अर्कोले पार्टी चलाउने विषय पार्टी हितमा रहेको उल्लेख गरे । 

 

">
पौडेलले भने, ‘केही नेताहरुले हिजो नेकपा एमालेले अवलम्बन गरेको, जनताको बहुदलीय जनवाद अर्थात जबजलाई छोडन सकिन्न भनेर दिएको अभिव्यक्ति सहमति विपरीत छ । अब ५ बुँदे सहमति अनुसार समाजवाद उन्मुख जनताको जनवादका रुपमा अघि बढ्नुको विकल्प छैन ।’

 


जयशंकरको त्रास छैन

 


भारतमा जयशंकर विदेशमन्त्री भएलगत्तै नेपालमा के के न हुने हो भन्ने चर्चा छ । यो सब बेकार हो । नेपालले स्वतन्त्र र सार्वभौम राष्ट्रकारुपमा छिमेकी र सबै मित्र राष्ट्रसंग व्यवहार गर्छ, यो क्षमता सरकारसंग छ ।  

 

हिजो जयशंकर विदेश सचिव हुँदा नेपालमा आएर संविधान संशोधनमा के दबाब दिए, नाकाबन्दीमा के भूमिका खेले भन्ने कुरा अब गौण भैसके । हामीले व्यवहार गर्ने राष्ट्रसंग हो पात्रले फरक पर्दैन । 


भारत, चीन कि अमेरिका ?

 


अमेरिकाले नेपाललाई उसको ‘इण्डोप्यासिफिक स्ट्राटिजी’ मा संलग्न हुन पहल गरिरहेको छ । यो विषयमा नेपाल सरकारले गम्भीर समीक्षा गरी अमेरिकालाई जवाफ दिन जरुरी छ । यसमा ढिलो गर्नु हुँदैन । सो रणनीति नेपालको हितमा कति छ ? यसले दीर्घकालिन असर पार्ने विषय के हो ? यी विषयमा कुरा बुझेर जवाफ दिनुपर्छ । 

 


तर, यदि छिमेकी मुलुकविरुद्ध यस्तो रणनीति अख्तियार गरिएको छ भने यसमा फस्नु हुँदैन ।  चीनको नेपालप्रति मौन कुटनीति छ । चीनले लिएको ‘बिआरआई’ प्रोजेक्टको प्रोटोकलमा हामीले हस्ताक्षर गरिसक्यौं । यसमा भारतलाई समेत चित्त बुझाएर अघि बढ्न सक्नु नै सफलता हो । 

 

एउटा कुरा स्पष्ट के हो भने भारत र चीनलाई प्रतिकूल हुने गरी हामीले केही गर्नु हुँदैन । पहिले भारत र चीन, त्यसपछि अरु राष्ट्र आउँछन् । 

">


सार्क कि बिमष्टेक ? 

 


भारतले सार्कलाई महत्व नदिएको कुरा स्पष्ट छ । नेपाल सार्कको अध्यक्ष भएका बेला सार्क सम्मेलन आयोजना हुन सकेको छैन । यसले नेपाललाई समस्या भएको छ । 

 


भारतले सार्कको सट्टा विमेस्टेककलाई अघि बढाउन खोजेकाले भारतको इच्छाविरुद्ध जान कठिन छ । हामीले भारत र चीनलाई नै प्राथमिकतामा राखेर अघि बढ्नुपर्ने हुन्छ । यसकारण सकभर सार्कलाई बचाउन खोज्ने, नभए विमेष्टकलाई सक्रिय बनाउन बल पुर्याउनुपर्छ । 

 

 

विप्लवमाथिको प्रतिबन्ध हटाउ

 


नेत्रविक्रम चन्द नेतृत्वको नेकपालाई दमन गर्ने नभई वार्ता गर्नुपर्छ । यो नै समाधानको उपाय हो । विप्लवले सरकारसंग वार्ता गर्ने विश्वसनीय आधार प्रस्तुत गरे सरकार प्रतिबन्ध हटाउन तयार छ । 

 


होइन सरकारविरुद्ध आतंक नै मच्चाउँछु  भनेर चौकी हान्न थाल्यो भने त राज्य चुप लागेर बस्दैन । विप्लव वार्तामा आउने हो भने उनलाई यथोचित स्थान र भूमिका दिन हामी तयार छौं । 

 


बाबुरामसंग एकता 

 


लामो समय पूर्वप्रधानमन्त्री डा. बाबुराम भट्टराईसंग निकट रही काम गरेको अनुभव छ । द्वन्द्वकालदेखि नयाँ शक्ति निर्माणसम्म । अहिले आएर बाबुराम र उपेन्द्र मिलेका छन् । उहाँहरुले समाजवादी नामकै पार्टी खोल्नु भएको छ । यसले भोलिका दिनमा हाम्रो एकताको सम्भावना देखाएको छ । 
उपेन्द्र पनि कम्युनिष्ट पृष्ठभूमिका नेता भएकाले सो पार्टीसंग एकताको प्रबल सम्भावना म देख्छु । एकता नभएपनि मेरो शुभकामना बाबुरामलाई भैरहन्छ । 

 


‘हेग’ को त्रास 

 


१२ बुँदे समझदारी, विस्तृत शान्ति सम्झौता, सेना समायोजन, दुई–दुईवटा संविधानसभा चुनाव, सरकारको नेतृत्व, त्यसपछि तीन तहको निर्वाचन भएर यहाँसम्म आइपुग्दा पनि ‘हेग’ पुर्याउँछु भन्नेहरु अझै पनि छन् । 

 

">
यो सबै डलरको खेती गर्नेहरुको षडयन्त्र हो । मुलुकलाई अस्थिरतामा धकेल्ने, कहिल्यै शान्ति हुन नदिने र आफनो रोटी सेक्न खोज्नेहरुले ‘हेग’ को त्रास देखाइरहेका छन् । यो सत्य हो । यिनीहरुकै कारण सत्य निरुपण मेलमिलाप आयोग र बेपत्ता सम्बन्धी आयोगका काम अपूर्ण छन् ।  तर, जे भएपनि हामीलाई फसाउन खोज्नेहरु असफल हुनेछन् । यो प्रयासको राष्ट्रियस्तरमै विरोध हुनुपर्छ । 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।