समाचार भिडियो

दरबार हत्याकाण्ड यसकारण भुल्दैनन् नेपालीहरु भिडियोसहित

दरबार हत्याकाण्ड यसकारण भुल्दैनन् नेपालीहरु भिडियोसहित


काठमाडौँ । दरबार हत्याकाण्डको १८ वर्ष पूरा भएको छ । २०५८ साल जेठ १९ गते शुक्रबार राति नियमित भोजका क्रममा तत्कालीन राजा वीरेन्द्रसहित उनका वंशका १० जनाको हत्या भएको थियो । दुनियाँ चकित बनाउने यस हत्याकाण्डका मुख्य पात्र युवराज दीपेन्द्र रहेको प्रतिवेदन तत्कालीन छानबिन समितिले सार्वजनिक गरेको छ ।

तर दीपेन्द्र नै वंशनाशका मुख्य कारक हुन् भन्ने कुरामा नेपाली जनता भने आश्वस्त हुन सकेका छैनन् । त्यति ठूलो नरसंहार भएको नारायणहिटी राजदरबार अहिले संग्रहालयमा परिणत भएको छ जुन आम सर्वसाधारणको लागि खुल्ला गरिएको छ । २०६५ जेठ १५ गते नेपाल गणतान्त्रिक राष्ट्र घोषणा भएसँगै संग्रहालयमा परिणत गराइएको नारायणहिती २०६५ साल माघ १६ गतेदेखि सर्वसाधारणका लागि खुला गरिएको थियो ।

२४० वर्षको राजतन्त्रको युग अन्त्य अनि तत्कालीन राजारानीको वंशनाश भएको स्थान भएकाले पनि नारायणहिटी आम सर्वसाधारणको चासोको स्थान हो । त्यसैले पनि नारायणहिटीमा तत्कालीन राजपरिवारको संहार भएको स्थान हेर्न आम मानिस पुग्छन् । नारायणहिटी भित्रको त्रिभुवन सदनको बिलियार्ड हलभित्र तत्कालिन राजाको परिवारका सदस्यहरुको नरसंहार भएको थियो । राजदरबार पुग्ने सबैले यसै स्थानमा चियाई चियाई हर्ने गरेको पाइन्छ ।

नारायणहिटी भित्र राजपरिवारका सबै सामान, बैठक कक्ष, अतिथि कक्ष विभिन्न जिल्लाका नामबाट राखिएको छ ।  विभिन्न बैठक कोठा, राजारानीको शयन कक्ष, भोजन कक्ष, भान्छा, रानीको श्रृङगार कक्ष, राज र राजपरिवारको विश्राम कक्ष लगायतका कोठा प्रदर्शनीमा राखिएको छ जुन विभिन्न जिल्लाका नामबाट नामाकरण गरिएको छ ।

यसका साथै बुलेट पु्रफ सिसाभित्र श्रीपेच, राजदण्ड, तरबार, मुकुट लगायत राखिएको छ । जसको अवलोकन गर्न  दैनिक सयौंको संख्यामा आन्तरिक र वाह्य पर्यटक नारायणहिटी पुग्ने गरेका छन् । बिदाको दिन, मंगलबार र बुधबारबाहेक नारायणहिटी खुला गर्ने गरेको नारायणहिटी संग्रहालयले जनाएको छ ।
जेठ १९ को अवसर पारेर नारायणहिटी पुगेका धेरैले तत्कालीन राजा वीरेन्द्रलाई स्मरण गरे । नारायणहिटीमा भेटिएका सर्वसाधारणले नेपाल आजसँग तत्कालीन राजा वीरेन्द्रको स्मरण यसरी गरे हेर्नुहोस् भिडियो .....

">

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।