विदेश

प्रधानमन्त्री ओली युरोप जाने

प्रधानमन्त्री ओली युरोप जाने

प्रधानमन्त्री केपी शर्मा ओली यही जेठ २५ देखि असार १ गतेसम्म तीन देशको भ्रमणमा जानुहुने भएको छ । 

परराष्ट्र मन्त्रालयले आइतबार सिंहदरबारमा पत्रकार सम्मेलन गरी प्रधानमन्त्री ओली स्वीट्जरल्यान्ड, बेलायत र फ्रान्सको भ्रमणमा जान लागेको जानकारी दिएको हो । पत्रकार सम्मेलमा परराष्ट्र मन्त्री प्रदीप ज्ञवालीले प्रधानमन्त्री ओलीको पहिलो भ्रमण स्वीटजरल्याण्डको जेनेभा हुने जानकारी दिनुभयो ।

जेनेभामा  हुने अन्तर्राष्ट्रिय श्रम संगठनको १०० औं वार्षिकोत्सव दिवस कार्यक्रमलाई प्रधानमन्त्री ओलीले जेठ २७ गते सम्बोधन गर्ने कार्यक्रम छ । त्यसपछि जेठ २७, २८ र २९ गते प्रधानमन्त्री ओली बेलायत जाने कार्यक्रम छ । पत्रकार सम्मेलनमा मन्त्री ज्ञवालीले असार १४ गते मन्त्रालयले विदेश नीतिबारे सुझाव संकलन गर्न कार्यक्रम आयोजना गर्न लागेको जानकारी  दिनुभयो । 

उक्त सम्मेलनमा विगतमा नेपालको विदेश नीति कस्तो हुनुपर्छ भनेर तयार अध्ययन प्रतिवेदन लगायतका विषयमा छलफल हुने छ । त्यस्तै उहाँले नेपाल अमेरिका सम्बन्धलाई थप प्रगाढ बनाउदै लैजानै भन्दै दुई मुलुकबीच कुनै असमझदारी नरहेको जिकिर गर्नुभयो । 

यस्तै परराष्ट्र मन्त्रालयले केही समय अघि सुरु गरेको ब्रेनगेन कार्यक्रममा विदेशमा बस्ने ५ सय जना नेपालीले नाम दर्ता गराएको र त्यसमा ५ हजारको नाम दर्ता हुने अनुमान रहेको जानकारी गराएको छ । 
 

केपी शर्मा ओली स्वीट्जरल्यान्ड
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।