समाचार अर्थ

सार्वजनिक यातायातमा भाडा १२ प्रतिशतसम्म बढ्यो 

सार्वजनिक यातायातमा भाडा १२ प्रतिशतसम्म बढ्यो 

 


काठमाडौँ । सरकारले सार्वजनिक यातायातको भाडा बढाएको छ । यात्रु बोक्ने र मालसामान बोक्ने दुबैथरी यातायातका साधनको भाडा १२ प्रतिशतसम्म वृद्धि भएको हो । छोटा तथा लामा दूरीका बस, मिनिबस, माइक्रोबस, ट्रक टेम्पो लगायत सबैखाले सार्वजनिक गाडीमा अधिकतम १२ प्रतिशतसम्म भाडा बढाइएको यातायात व्यवस्था विभागले जनाएको छ । 

 

वैज्ञानिक भाडादरको प्रावधानअनुसार सवारी साधनको मूल्य, इन्धनको मूल्य, गाडीका उपकरणको मूल्य, श्रमिकको ज्यालादरलगायतलाई आधार मानेर १२ प्रतिशत भाडा बढाइएको विभागले जनाएको छ । 

 

बिहीबार यायायात व्यवसायी, उपभोक्ता अधिकारकर्मी र सुरक्षा निकायका प्रमुखलगायतसँग छलफल गरी भाडादर समायोजन गरिएको विभागका प्रवक्ता तीर्थराज खनालले जानकारी दिनुभयो । काठमाण्डौ उपत्यकाको सार्वजनिक गाडीमा ४ किलोमिटर सम्मको न्यूनतम भाडा १४ रुपैयाँबाट बढेर १६ रुपैयाँ पुगेको छ । 

 

ट्याक्सीमा पनि भाडा बढ्यो
सरकारले ट्याक्सीको पनि भाडा बढाएको छ । अब सुरुको एक किलो मिटरसम्म ५० रुपैयाँ  र त्यसपछि प्रति २ सय मिटरमा ८ रुपैयाँ ८० पैसाका दरले भाडा बढ्दै जानेछ । 


यसअघि सुरुको एक किलोमिटरमा ३९ रुपैयाँ भाडादर रहेको छ ।  यसअघि गएको असोजमा पनि सार्वजनिक गाडीको भाडा १० प्रतिशतले बढाइएको थियो ।

 

बढेको भाडा असार १ गतेदेखि लागू हुनेछ । 

गाडी भाडा
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।