समाचार

लोकसेवाको विज्ञापन रोक्न संसदीय समितिले दिएको निर्देशनबारे सांसदहरुबाट सरकारको धारणा माग

लोकसेवाको विज्ञापन रोक्न संसदीय समितिले दिएको निर्देशनबारे सांसदहरुबाट सरकारको धारणा माग

 


काठमाडौँ । सांसदहरुले कर्मचारी भर्नासम्बन्धी विज्ञापन रोक्ने संसदीय समितिको निर्देशनका बारेमा सरकारको धारणा माग गरेका छन् । प्रतिनिधिसभाको बुधबार बसेको बैठकमा विशेष समय लिएर सांसदहरुले प्रदेश लोकसेवा आयोग गठन गर्न आग्रह समेत गरे । सांसदरुले प्रदेश लोकसेवा आयोग गठनमा ध्यान दिन सरकारलाई सुझाव दिँदै आयोगको विज्ञापन समावेशी र समानुपातिक बनाउन सुझाव दिए ।

 

बिशेष समयमा नेकपाका अञ्जना विशङ्खेले आयोगको विज्ञापनको विषयलाई लिएर शुरु भएको विवादले कसैको पनि हित नगर्ने बताउँदै विज्ञापन समावेशी र समानुपातिक बनाउनुपर्ने बताउनुभयो । काग्रेसका सांसद मीनबहादुर विश्वकर्माले आयोगको विज्ञापनलाई विवादमा तान्न नहुनेमा जोड दिँदै यसका बारेमा सरकारको धारणाा प्रष्ट पार्नुपर्ने बताउनुभयो ।

 

समाजवादी पार्टी नेपालका प्रमोद साहले आयोगबाट प्रकाशित विज्ञापन संविधानानुकूल नरहेको भन्दै रद्द गरी समानुपातिक र समावेशी बनाउन माग गर्नुभयो ।
 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।