खेल

आइपीएलः दिल्ली–राजस्थान, हैदरावाद र बैंग्लोर खेल्दै

आइपीएलः दिल्ली–राजस्थान, हैदरावाद र बैंग्लोर खेल्दै

काठमाडौं । भारतमा जारी इन्डियन प्रिमियर लिग (आइपीएल) मा आज दुई खेल हुँदै छन् । पहिलो खेल राजस्थान रोयल्स र सन्दीप लामिछाने आवद्ध दिल्ली क्यापिटल्सबीच दिउँसो ४ः१५ बजेदेखि दिल्लीमा शुरु हुँदैछ । आजको खेल राजस्थानका लागि निकै महत्वपूर्ण छ । यो खेलमा पराजित भए ‘प्लेअफ’ को दौडबाट राजस्थान बाहिरिने छन् । दिल्ली भने यसअघि नै ‘प्लेअफ’ मा प्रवेश गरिसकेको छ । दिल्लीको लक्ष्य आज राजस्थानलाई हराउँदै अंकतालिकामा सुधार ल्याउने हुनेछ । 

 


शनिबार नै रोयल च्यालेन्जर्स बैंग्लोर र सनराइजर्स हैदरावाद खेल्दै छन् । यी दुई टिमबीचको खेल राति ८ः१५ बजेदेखि बैंग्लोरमा शुरु हुँदैछ । ‘प्लेअफ’ पुग्ने सम्भावना बाँकी राख्न आज हैदरावादलाई जित्नैपर्ने दबाब छ । तालिकामा हैदरावाद चौंथो स्थानमा छ । यता विराट कोहली नेतृत्वको बैंग्लोर भने लिग चरणबाटै बाहिरिएको छ । 

आइपीएल दिल्ली–राजस्थान हैदरावाद भर्सेस बैंग्लोर