कला साहित्य

‘महर्षि’ बनाउन महेशबाबुका लागि तीन वर्ष पर्खे निर्देशकले 

‘महर्षि’ बनाउन महेशबाबुका लागि तीन वर्ष पर्खे निर्देशकले 

एजेन्सी । दक्षिण भारतीय फिल्म नायक महेश बाबुले नयाँ चलचित्र महर्षिका लागि तीन वर्ष प्रतिक्षा गर्ने निर्देशक भम्सी पैडिपल्लीलाई धन्यवाद दिएका छन् । नायक महेश बाबुसँग समय नभएपछि निर्देशक पैडिपल्लीले तीन वर्ष पछि धकलेर महर्षिको सुटिङ गरेका थिए । यो फिल्म आउँदो बिहीबारदेखि प्रदर्शनमा आउँदैछ । 

 

फिल्मको प्रि–रिलिज कार्यक्रममा नायक  महशेबाबुले भने, ‘जब यो फिल्मको स्क्रिप्ट लिएर निर्देशक म कहाँ आए, मैले १० मिनेट सुनेर उनलाई अस्वीकार गर्छु भन्ने सोचेको थिएँ । तर जब २० मिनेटसम्म स्क्रिप्ट सुने त्यसपछि मैले यो फिल्म गर्नैपर्छ भन्ने सोचे । तर मैले त्यसअघि नै दुई अरु फिल्मका लागि वचन दिइसकका कारण तीन वर्ष प्रतिक्षा गर्नुपर्ने बताएँ । उनले मेरो प्रस्ताव स्वीकार गरे ।’

 

एक राम्रो स्क्रिप्ट बोकेको निर्देशकले एक नायकका लागि तीन वर्ष पर्खन सक्दैन थियो । तर उनले दुई वर्ष त पूरै प्रतिक्षा गरे । बाँकी एक वर्ष निर्माणका लागि खर्च भयो । महर्षि महेशबाबुको २५ औं चलचित्र हो ।