Breaking News मुख्य समाचार नेपाल आज विशेष भिडियो

बजेटबारे सर्वसाधारण : बुढाबुढी खुशी, जागिरेलाई मुल्यवृद्धिको तनाव 

बजेटबारे सर्वसाधारण : बुढाबुढी खुशी, जागिरेलाई मुल्यवृद्धिको तनाव 

काठमाडौँ । सरकारले आर्थिक वर्ष २०७६र०७७ को लागि १५ खर्ब ३२ अर्ब ९६ करोड ७१ लाखको बजेट सार्वजनिक गरेको छ । बुधबार संघीय संसदमा अर्थमन्त्री डा. युवराज खतिवडाले पेश गरेको बजेटबारे नेपाल आजले सर्वसाधारणको मनसाय बुझ्ने कोशिश गरेको छ ।

सांसद्, सरकारी कर्मचारी, वृद्धवृद्धालाई बजेटले खुशी दिएको छ । कर्मचारीमा राजपत्र अनंकित कर्मचारीलाई २० प्रतिशत र राजपत्र अंकित कर्मचारीका लागि १८ प्रतिशत तलब बृद्धि गरेको छ । यसबाट निजामति कर्मचारी, सेना, प्रहरी, शिक्षकलगायत सरकारी सेवामा रहेकाहरु लाभान्वित हुनेछन ।

त्यस्तै बजेटले सांसदलाई दिँदै आएको निर्वाचन क्षेत्र कार्यक्रमको बजेटमा २ करोड वृद्धि गरेको छ । यसअघि ४ करोड रूपैयाँ दिँदै आएकोमा आगामी बर्षबाट ६ करोड रूपैयाँ पु-याइएको छ ।

अर्कोतर्फ वृद्ध भत्ता ३ हजार पु-याइएको छ । एकल महिलाको भत्ता पनि १ हजार बढाइएको छ । यसअघि वृद्धभत्ता मासिक २ हजार र एक महिलालाई १ हजार रुपैयाँ भत्ता दिइँदै आएको थियो । बजेटले दैनिक प्रयोग हुने दूध, चिनीमा करवृद्धि गरेको छ । पेट्रोलियम पदार्थमा पनि कर बढाएको छ भने  राजश्व संकलनको लक्ष्य समेत १ खर्ब बढाइएको छ ।

यसैले पनि मुल्यवृद्धि बढने सर्वसाधारण तथा विज्ञहरुको तर्क छ । यसै सन्दर्भमा नेपाल आजले विहिबार सर्वसाधारणसँग प्रतिक्रिया लिएको छ ।

हामीले सोधेका थियौँ– तपाईँलाई बजेट कस्तो लाग्यो ? प्रतिक्रिया दिने क्रममा कसैले बजेट वितरणमुखी भएको भन्दै कार्यान्वयनमा शंका व्यक्त गरे भने कतिपयले बजेटले आफूहरुलाई कहिल्यै समेट्न नसकेको गुनासो गरे । हेरौँ सर्वसाधारणको प्रतिक्रिया जस्ताको तस्तै :

">

बजेट सर्वसाधारण
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।