अन्तरवार्ता भिडियो कभर स्टोरी

सरकारबिरुद्ध कांग्रेसको फायर, ‘जागरणबाटै नाङ्गेझार पार्छौ’ (भिडियो सहित)

सरकारबिरुद्ध कांग्रेसको फायर, ‘जागरणबाटै नाङ्गेझार पार्छौ’ (भिडियो सहित)

एकपछि अर्को गर्दै ठूलाठूला भ्रष्टाचारका काण्ड बाहिर आउन थालेपछि सरकार अत्तालिएको छ । बुढीगण्डकी, वाइडबडी, एनसेल, फोर जी हुँदै बालुवाटार, खुलामञ्च र रत्नपार्कको जग्गा काण्डमा सत्तापक्षीय शक्तिशाली  नेताहरु नै संलग्न भएका तथ्य भेटिन थालेपछि यसले प्रधानमन्त्री केपी शर्मा ओली र उनको पार्टी नेकपालाई पनि अफ्ठ्यारो परेको छ । 

 


भ्रष्टाचारविरुद्ध नेपालका प्रायः सबै संचारमाध्यम र जनस्तरबाट समेत लगातार विरोध आउन थालेपछि सरकार दवावमा परेको हो । सरकारलाई एकातर्फ  भ्रष्टाचारीलाई कारवाही नगरि नहुने दवाब छ भने अर्कोतर्फ धेरैजसो भ्रष्टाचारमा सत्तापक्षीय नेताहरु नै संलग्न रहेको भेटिएपछि उनीहरुलाई जोगाउनुपर्ने वाध्यता पनि छ । 

 


यो विवादमा अहिले प्रधानमन्त्री ओली आफै परेका छन् । बालुवाटार जग्गा विवाद प्रकरणमा मुछिएका पार्टीका महासचिव विष्णु पौडेल निर्दोष रहेको अभिव्यक्ति उनले दिएका छन् । यसअघि वाइडबडी प्रकरणमा तत्कालिन मन्त्री रविन्द्र अधिकारी पनि निर्दोष रहेको अभिव्यक्ति उनले दिएका थिए । 

 


भ्रष्टाचारमा सरकारको ऐतिहासिक रेकर्ड

 

">


कांग्रेस सह महामन्त्री डा. प्रकाशशरण महतको प्रश्न छ, ‘ के प्रधानमन्त्री न्याय अन्याय छुट्याउने व्यक्ति हो ? अड्डा अदालत, अनुसन्धान, छानबिन केही गर्नुपर्दैन ? आफना जति सबै निर्दोष, अरु सबै दोषी ?’

 


डा. महत भन्छन्, ‘ यो अराजकता हो । यहाँ विधिको शासन छैन । जनतालाई आश्वासन बाँडेर, झूठा सपना देखाएर, प्रोपोकाण्ड मच्चाएर सत्यलाई झूठो र झूठोलाई सत्य बनाउने प्रयास भैरहेको छ । नेकपा पार्टी र यो कम्युनिष्ट सरकारको काम नै झूठ बोलेर जनता झुक्याउने भएको छ । जति सकिन्छ सेटिङ मिलाउने र लुट्ने काम मात्र भएको छ । ’

 


यो सरकारका गलत क्रियाकलाप र झूठको खेतीले मुलुकको अवस्था निकै दयनिय भएको छ । मुलुक टाट पल्टिने अवस्थामा पुगेको छ । जता हेर्यो त्यतै भ्रष्टाचार । महङ्गी, अन्याय, अत्याचार, अशान्ति, असुरक्षा बढेको बढ्यै छन् । शिक्षा, स्वास्थ्यमा जनताको पहुँच टुट्न थालिसक्यो ।  भन्नेबेला  समृद्ध नेपाल र सुखी नेपाली भन्ने काम ठीक उल्टा गर्ने । सरकारका यस्तै गलत काम र प्रवृतिविरुद्ध जनतालाई जागरुक बनाउन जागरण अभियान संचालन गर्न लागिएको हो । 

 


बिभिन्न तीन चरणमा हुने यो अभियानले पार्टी सुदृढीकरणमा मद्दत पुग्ने र नेकपा तथा सरकारको वास्तविकता पनि जनताले थाहा पाउने नेता महतको दावी छ । 

 


यो सरकारले आफ्ना कर्तुत लुकाउन र पार्टीका नेता जोगाउन कांग्रेस सभापति शेरबहादुर देउवाको नाम जबरजस्ती मुछेको छ । नेता महत भन्छन्, ‘  सभापति देउवाले जब वाइडबडीको केस्राकेस्रा केलाएर छानबिन गरी दोषीलाई कारवाही गर्नुपर्छ भनेर संसद्मा बोले, त्यसपछि नेकपाले सुनियोजितरुपमा उनको पनि संलग्नता देखियो भनेर कुप्रचार सुरु गर्यो । अहिले देउवाले वालुवाटार जग्गाको कुरा संसद्मा उठाए, फेरि नेकपाले आफनो संयन्त्र प्रयोग गरेर देउवाको नाम मुछ्न खोजेको छ  । यो सबै आफूले गरेको भ्रष्टाचार लुकाउन गरिएको प्रपञ्च हो । अब कांग्रेसले यो सरकार र नेकपालाई नाङ्गेझार पार्छ । ’

 


नागरिकता छानबिन गर

 


यो सरकारले गैर नागरिकलाई समेत नागरिकता दिन थालेको छ । संसद्मा नागरिकता बिधेयक बिचाराधिन रहेकैबेला गृह मन्त्रालयले सर्कुलर जारी गरी नागरिकता बितरण नगरि नहुने के आपत पर्यो ? 

 


डा. महत भन्छन्, ‘ संविधानको व्यवस्था बमोजिम नागरिकताविहीन नेपालीलाई नागरिकता दिनुपर्छ । तर, अहिले धमाधम कतिपय आतंककारी गतिविधिमा संलग्न व्यक्तिहरुलाई समेत नागरिकता बितरण भैरहेको रिपोर्ट आएको छ । गैर नागरिकलाई खुलेआम नागरिकता दिइदै छ, के हो यस्तो ?’

 


यसरी गलतरुपमा नागरिकता बितरण भएको पाइए त्यसलाई खारेज गर्नुपर्छ । सरकारले छानबिन गर्नुपर्छ, प्रमुख दायित्व सरकारको हो । 

 

">


राष्ट्रपतिको चीन भ्रमण उपलब्धी होइन

 


पूर्व परराष्ट्र मन्त्रीसमेत रहेका डा. महतले हालै राष्ट्रपति बिद्या भण्डारीले गरेको चीन भ्रमणलाई ठूलो उपलब्धीकारुपमा प्रचार गर्नुपर्ने कुनै आवश्यकता नभएको बताए । उनी भन्छन्, ‘ न यो भ्रमण उपलब्धीमुलक हो, न ब्यापार र पारवहन प्रोटोकलको हस्ताक्षर, यो सामान्य विषय हो । ’

 


एउटा भूपरिवेष्ठित राष्ट्रले पाउनुपर्ने सुविधा हामीले पाउने कुरा मात्र हो । अझ नेपाल र चीन जोड्ने बाटो उपयु्क्त र व्यवस्थित नभएसम्म प्रोटोकल हस्ताक्षर कागजमा मात्र सिमित हुनेछ । प्रोटोकल हस्ताक्षर राम्रै कुरा भएपनि यसले मुलुकको आर्थिक विकासमा ठूलो मद्दत गर्छ, अब कायापलट हुन्छ भन्ने कुरा चाहिं गलत हो । 

 


महत भन्छन्, ‘जहाँसम्म रेलमार्ग निर्माणको कुरा छ, त्यो पनि हाम्रो तात्कालिक आवश्यकता होइन । आफनो लगानीमा रेल निर्माणको कुरा असम्भव छ । दीर्घकालिन फाइदाका लागि हेर्ने हो भने रेल बनाएपनि त्यो चीन र भारतले अनुदानमा बनाइदिनुपर्ने हुन्छ । यसका लागि दुवै देशलाई मनाउन सक्नुपर्छ । तर, विडम्बना वर्तमान सरकार र नेकपासंग त्यसरी कुरा गर्न सक्ने आँट र नैतिक बल नै छैन । विडम्बन यस्तो छ ! ’

 


१० करोड माग्नु गलत

 


सह महामन्त्री डा. महतले आउँदो बजेटमा सांसद्हरुले सिधै खर्च गर्न पाउने गरी बजेटको व्यवस्था गर्न जरुरी नभएको स्पष्ट पारे । नेकपा सांसद्हरुले १० करोड सिधै खर्च गर्न पाउने व्यवस्था गर्न हस्ताक्षर अभियान चलाउने तयारी गरिरहेकाबेला नेता महतले आफूहरुले भने त्यसो नगर्ने बताएका हुन् । 

 


उनी भन्छन्, ‘ हामी रकममा मात्र होइन, योजनामा जोड दिन्छौं । हाम्रा सांसद्हरुले आ–आफनो क्षेत्रका योजनाका बारेमा ध्यानाकर्षण गराउने छन्, दवाव दिनेछन्, तर पैसा माग्ने छैनन ।’

 


अहिलेको सरकारले संसद्मा नीतिगत छलफलसमेत नगरी नीति कार्यक्रम र बजेट ल्याएर संसदीय प्रक्रिया र परम्परालाई नै कुल्चिन खोजेको महतको आरोप छ । 

 

">