मनोरञ्जन

प्रभासको साहोमा सलमान खानको क्यामियो रोल

प्रभासको साहोमा सलमान खानको क्यामियो रोल

बाहुबली हिरो प्रभासले हालै सामाजिक सञ्जालमार्फत आफ्नो फिल्म साहोको पोस्टर नयाँ सार्वजनिक गरेका छन् ।

निर्माण घोषणादेखि नै चर्चामा रहेको साहो १५ अगस्टमा प्रदर्शन हुँदै छ । फर्स्टलुकसँगै साहोसम्बन्धी नयाँ खबर बाहिरिएको छ । भारतीय मिडियाले उल्लेख गरेअनुसार साहोमा बलिउडका सुपरस्टार सलमान खान केमियो रोलमा देखिनेछन् ।

साहोका निर्माता र हिरो प्रभासलाई नील नितिन मुकेशले सलमानलाई केमियो रोलमा ल्याउने आइडिया दिएका हुन् । निलले उनीहरूलाई साहोमा सलमानलाई समेट्न सके हिन्दी दर्शकमाझ पनि साहो लोकप्रिय हुने बताएका थिए । सोहीअनुसार सलमानलाई प्रस्ताव गएको बताइन्छ ।

सुटिङ पूरा भइसकेको साहोको फर्स्टलुक, टिजर पनि सार्वजनिक भइसकेको छ । सलमान केमियोका लागि राजी भएमा उनका केही दृश्य खिचिनेछ । सुजितले निर्देशन गरेको साहो तीन सय करोड भारु लगानीमा निर्माण भएको बताइन्छ ।

फिल्ममा प्रभासका साथमा श्रद्धा कपुर, नील नितिन मुकेश, मन्दिरा बेदी, ज्याकी श्राफ, महेश मांजारेकरलगायतले अभिनय गरेका छन् ।

सलमान खान साहो
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।