अन्तरवार्ता भिडियो कभर स्टोरी

‘ जहाजबाट पोखरा जानेले मलेखुको माछा खान्छु भनेर हुँदैन ’ (भिडियोसहित ) 

‘ जहाजबाट पोखरा जानेले मलेखुको माछा खान्छु भनेर हुँदैन ’ (भिडियोसहित ) 

दिनेश डिसी नेपाली संचार र कला क्षेत्रमा प्रतिष्ठित नाम हो । हाल रेडियो कान्तिपुरका स्टेशन म्यानेजरसमेत रहेका डिसी बहुमुखी प्रतिभाका धनी व्यक्ति हुन् । उनी संचार र कला क्षेत्रमा निपूर्ण हुनुकासाथै राजनीति र गायनमा पनि उत्तिकै सक्रिय छन् । 

 


डिसीका अनुसार जीवन र जगतप्रति सकारात्मक दृष्टिकोण राख्दै आत्मविश्वासकाथ निरन्तर अघि बढ्नु नै सफलताको प्रमुख सुत्र हो । उनी भन्छन्, ‘ तपाईं जति प्रतिभावान भएपनि कसैले पुछ्नेवाला छैन, आफनो लागि आफै गर्नूस । तपाईंको प्रतिभा, ज्ञान, सीप र विचार उपयुक्त भए मात्र विक्री हुन्छ ।


ओलीका विश्वासपात्र

 


डिसी प्रधानमन्त्री एवम सत्तारुढ दल नेकपाका अध्यक्ष केपी शर्मा ओलीका विश्वास पात्र पनि हुन् । आफनो भारत भ्रमणका बेला प्रधानमन्त्री ओलीले डिसी र नायक राजेश हमाललाई आफुसंगै भारत लगेका थिए । 

 


साथै, कला क्षेत्रसंग सम्बन्धित कुनै योजना भए त्यसको जिम्मा पनि आफूले नै निर्वाह गरिरहेको डिसी बताउँछन् । यसबाहेक व्यक्तिगत तहमा हुने थुपै्र काम पनि आफूले गरिरहेको उनको भनाइ छ । 

 

">
विद्यार्थीकालदेखि नै कम्युनिष्ट बिचारधारा अंगालेका डिसी मुलुकको राजनीतिप्रति निकै सचेत छन् । सामाजिक जीवनका कुनैपनि निकाय वा अंग राजनीतिबाट अछुतो रहन नसक्ने भएकाले आफूपनि चेतनशील नागरिकका हिसाबमा राजनीतिमा लागेको उनको भनाइ छ । राजनीतिले मुलुक बनाउने र बिगार्ने भएकाले असल, सचेत र विवेकशील मानिसहरुको प्रवेश राजनीतिमा हुनुपर्ने उनी बताउँछन् । 

 


नेकपामा कला क्षेत्रको नेतृत्व आफूले गरिरहेको बताउँदै डिसीले भने, ‘ राजनीतिमा होमिएको हुँ, तर, सांसद, मन्त्री बन्ने चाहना छैन । म आफनै क्षेत्रको राजनीतिमा रमाइरहेको छु ।’

 


उनी भन्छन्, ‘नेकपामा पुष्पकमल दाहाल, झलनाथ खनाल, माधव नेपाल लगायत अधिकांश नेताहरुसंग मेरो राम्रो सम्वन्ध छ । यी सबै मध्ये प्रधानमन्त्री ओलीले आफूलाई विशेष स्नेह गर्नुुहुन्छ । ’

 


ओली दम्भी होइनन  

 


डिसीले प्रधानमन्त्री ओली विकास र समृद्धिका लागि दीर्घकालिन योजनाकासाथ अघि बढिरहेको जिकीर गरे । जनताको गास, वास र कपासमा समस्या नहोस भन्ने आधारभुत कुरालाई ख्याल गर्दै दीघकालिन महत्वका आयोजना अघि बढाइएकाले सुन्दर भविश्यको जग प्रधानमन्त्री ओलीले बसाइरहेको उनको भनाइ छ । 

 

">
सरकारको नीति, कार्यक्रम र पार्टीको घोषणापत्र अनुसार प्रधानमन्त्रीले काम गरिरहेकाले पार्टी भित्रबाट पनि उनलाई पूर्ण सहयोग भैरहेको उनको दावी छ । प्रधानमन्त्रीको चाहना आफनो मात्र नभइ प्रत्येक नागरिक र देशकै स्वाभिमान ठाडो पार्ने भएकाले उनलाई दम्भी र  घमण्डी भन्नु रीश र ईश्याको प्रतिक्रिया मात्र भएको डिसी बताउँछन् । 

 


संचार र कला

 


संचार र कला क्षेत्रमा लामो अनुभव संगालेका डिसी भन्छन्, ‘ जहाज चढेर पोखरा जाने मान्छेले मलेखुको माछा खान्छु भनेर हुँदैन । मलेखुको माछा खान रोडबाटै यात्रा गर्नुपर्छ । ’

 


डिसीले कुन पेशा वा क्षेत्रमा लाग्ने भन्ने प्रश्नको जवाफमा यस्तो भनेका हुन् । जसरी मलेखुको माछा खान सडकबाटै यात्रा गर्नुपर्छ, त्यसैगरी संचार वा सिने जगतको आनन्द लिन यसको यात्रामा आउने आरोह अवरोह, दुःख कष्ट सबै सहजरुपमा लिनुपर्छ । होइन सडकबाट जान सकिन्न भन्ने हो भने माछा खाने इच्छा पनि त्याग्नुपर्छ । 

 


आफूले रोजेको जुनुसकै क्षेत्र होस इमान्दारिपूर्वक, धैर्य भएर काम गरिरहनु पर्छ, परिणाम एक दिन सबै हिसाबकिताब चुक्ता गरेर निस्कन्छ । आफूले संचार र कला क्षेत्रमा बषौदेखि आनन्द लिइरहेको र अझै यो क्षेत्रमा सक्रिय भैरहने उनी बताउँछन् । 


प्रेम र भूल

 


जीवनयात्राका क्रममा आफूसंगै केही महिलाहरु जोडिएको स्वीकार गर्दै डिसीले भने, ‘ ती मेरो जीवनका भूल थिए । गल्ती थिए । जो जो महिलाहरु मसंग जोडिए, समयक्रममा भएका भूलका रुपमा लिएको छु । अब दोहरिने छैनन् । ’

 


कला क्षेत्रमा लागेका मानिसहरु सबैका लागि आमचासोका पात्र भएकाले उनीहरुका गतिविधि छिटो भन्दा छिटो सार्वजनिक हुन्छन् । त्यसमा पनि प्रेम र यौनका समाचार त एकैछिनमा भाइरल भैहाल्छन् । उनी भन्छन्, ‘ मेरो टोलको भाईले पनि प्रेम गरिरहेको हुनसक्छ । तर उसको चर्चा हुँदैन । फिल्म खेल्ने कसैको सामान्य बसउठ मात्र भयो भनेपनि त्यो हल्ला भैसक्छ । ’

">

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।