विदेश

एमेजनले हिन्दु देवीदेवता भएका जुत्ता र ट्वाइलेट सिट कभर बेचेपछि विरोध

एमेजनले हिन्दु देवीदेवता भएका जुत्ता र ट्वाइलेट सिट कभर बेचेपछि विरोध

एजेन्सी । अनलाइन सपिङ वेबसाइट अमेजनले हिन्दू देवी–देवताको फोटो भएको जुत्ता र ट्वाइलेट सिट–कभर बेचेपछि यसको भारतीय समाजिक संजालमा ठूलो विरोध भइरहेको छ । बिहीबार भारतीय सामाजिक संजाल प्रयोगकर्ता माझ ‘ह्यासट्यग बोयकट–अमेजन(अमेजन वहिष्कार गरौं)’ ट्रेण्डमा रह्यो ।

अमेजनमा बेच्न राखिएका डोरमेटमा पनि भगवान् शिव र गणेशको तस्विर देखिन्छ । यी तस्विर बाहिर आएपछि मानिसहरुले अमेजन एपलाई हटाउनुका साथै अमेजनलाई बहिष्कार गर्न आह्वान गरेका छन्। 

एमेजनले माफी माग्नु पर्छ : बाबा रामदेव

एमेजनले हिन्दू देवी–देवताको फोटो अंकित ट्वाइलेट कभर, जुत्ता र डोरमेटजस्ता सामाग्री बेच्न राखेको प्रति योग गुरु बाबा रामदेवले पनि बिरोध जनाएका छन् । पतञ्जलीका संस्थापक बाबा रामदेवले ट्वीट गर्दै सधैं भारतकै पूर्वज देवी देवताको मात्र किन अपमान हुन्छ भनेर प्रश्न गरेका छन् । उनले एमेजनले भारतको अपमान गरेको भन्दै ती सामग्री हटाएर मात्र नपुग्ने माफी माग्नुपर्ने माग गरेका छन् ।

त्यस्तै एमेजनविरुद्ध नोयडाको सेक्टर ५८ को प्रहरी स्टेसनमा मुद्धा दायर पनि गरिएको छ । धार्मिक आधारमा विभिन्न समूहबीच शत्रुता फैलाएको आरोप लगाउँदै मुद्दा दायर गरिएको छ । यसअघि पनि अमेजनमा भारतको राष्ट्रिय झण्डा भएको डोरमेट बिक्रीमा आउँदा ठूलो विरोध भएको थियो ।

एमेजन
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।