राजनीति

भ्रष्टाचारविरुद्ध एउटा नयाँ सांस्कृतिक आन्दाेलन चाहिएकाे छः अध्यक्ष प्रचण्ड

भ्रष्टाचारविरुद्ध एउटा नयाँ सांस्कृतिक आन्दाेलन चाहिएकाे छः अध्यक्ष प्रचण्ड

काठमाडौं । पूर्वप्रधानमन्त्री तथा नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले देशमा विद्यमान भ्रष्टाचारविरुद्ध साँस्कृतिक क्रान्ति आवश्यक रहेको बताएका छन् ।

 

नेपाल कम्युनिष्ट पार्टी ७०औं वार्षिकोत्सव समारोहलाई सोमबार काठमाडौंमा सम्बोधन गर्दै अध्यक्ष प्रचण्डले भने "हामीलाई एउटा नयाँ सांस्कृतिक आन्दोलन चाहिएको छ । भ्रष्टाचारविरुद्ध नयाँ अभियान चलाउन जरुरी छ । साँस्कृतिक क्रान्ति चलाउन आवश्यक छ । त्यो साँस्कृतिक क्रान्ति चिनियाँ मोडलको होइन, नेपाली साँस्कृतिक क्रान्ति चलाउनु पर्छ ।"

 

जनअपेक्षा अनुसारका काम गर्दै कम्युनिष्ट आन्दोलनलाई एकतावद्ध गर्न पहल लिनु पर्ने उनको भनाइ थियो । नेपाली श्रमजीवी जनता र विश्व कम्युनिष्ट आन्दोलनको हितमा कदम चाल्नै पर्ने भन्दै उनले यसैका लागि विगतमा पार्टी एकताको संकल्पसहित निर्वाचनमा गठबन्धन बनाएर अगाडि बढेको बताए ।

 

उनले भने "‘कम्युनिष्ट पार्टीहरुबीच एकता भयो भने निरंकुशता आउँछ भन्ने लगायतका भ्रम छर्ने काम भए । पार्टी एकता रोक्न नेपालभित्र र नेपालबाहिर पनि प्रयत्न भए । हामी विचलित नभईकन अगाडि बढ्यौं । अन्ततः अघिल्लो वर्ष जेठ ३ गते पार्टी एकता गरेरै छाड्यौं । एउटा कोसेढुंगा स्थापना गर्यौं ।"

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।