अर्थ शेयर बैंकिङ

नबिल इन्भेष्मेन्ट बैंकिङ्ग लिमिटेडले ल्यायो प्रतिइकाई दश रुपैयाँका दरले एक अर्ब २० करोड सामूहिक लगानी कोष

नबिल इन्भेष्मेन्ट बैंकिङ्ग लिमिटेडले ल्यायो प्रतिइकाई दश रुपैयाँका दरले एक अर्ब २० करोड सामूहिक लगानी कोष

काठमाडौं । नबिल बैंकको सहायक कम्पनी नबिल इन्भेष्टमेन्ट बैंकिङ्ग लिमिटेडले बैशाख ५ गते देखि सामूहिक लगानी कोष नबिल ब्यालेन्स फण्ड २ को १२ करोड इकाई सार्वजनिक बिक्रीमा ल्याएको छ।

नबिल इन्भेष्टले प्रतिइकाई दश रुपैयाँ अंकित दरमा एक अर्ब २० करोड रुपैयाँ बराबरको १२ करोड इकाई निष्काशन गरेको हो ।

 

निष्काशित १२ करोड इकाईमध्ये बिज पूँजी वापत न्यूनतम १५ प्रतिशत अर्थात एक करोड ८० लाख इकाई कोष प्रवद्र्धक नबिल बैंक र योजना व्यवस्थापक नबिल इन्भेष्टमेन्ट बैंकिङ्गलाई छुट्टाइएको छ । बाँकी १० करोड २० लाख इकाईमा सर्वसाधारणले आवेदन गर्न सक्नेछन् ।

 

दश वर्ष अवधिको यस फण्डको इकाईमा प्रतिइकाई दश रुपैयाँ दरले न्यूनतम १०० इकाईको एक हजार रुपैयाँदेखि अधिकतम एक करोड २० लाख इकाई अर्थात १२ करोड रुपैयाँसम्मको आवेदन गर्न सक्नेछन् ।

दश वर्ष अवधिको यस फण्डको इकाईमा लगानीकर्ताले धितोपत्र बोर्डबाट आश्वा अनुमति लिएका सम्पूर्ण बैंक तथा वित्तीय संस्था तथा मेरो शेयरबाट पनि आवेदन दिन सक्नेछन् ।

 

उक्त इकाईको बिक्री छिटोमा बैशाख ९ गते बन्द हुनेछ भने आवश्यक आवेदन नपरेको खण्डमा भने जेठ ३ गतेसम्म खुला रहने बिक्री प्रबन्धक नबिल इन्भेष्ट एण्ड बैंकिङ्गले जनाएको छ ।

नबिल बैंक नबिल इन्भेष्टमेन्ट बैंकिङ्ग लिमिटेड