समाचार अर्थ कर्पोरेट

सरकार विरुद्ध इन्टरनेट प्रदायक कम्पनीहरु आन्दोलित

सरकार विरुद्ध इन्टरनेट प्रदायक कम्पनीहरु आन्दोलित

कुश ढुंगाना, काठमाडौं । इन्टरनेट सेवा प्रदायकहरूको संस्था (आइस्पान) को नेतृत्वमा इन्टरनेट कम्पनीहरुले बिरोध जनाएका छन् ।

टीभी प्रसारणको अनुमति लिएका कम्पनीलाई सरकारले बिनाप्रतिस्पर्धा इन्टरनेटका लागि फ्रिक्वेन्सी दिने तयारी गरेको भन्दै सरकार बिरुद्ध कम्पनीहरु आन्दोलित भएका हुन् । 
शुक्रबार उनीहरुले सञ्चार तथा सूचना प्रविधि मन्त्रालयको तयारीलाई गलत भन्दै नेपाल दूरसञ्चार प्राधिकरणको प्रवेश द्वारमा धर्ना दिएका छन् ।

 

सरकारले विद्यमान विनियमावली नै परिवर्तन गरेर सस्तोमा फ्रिक्वेन्सी दिन लागेको थाहा पाएपछि उनीहरु धर्नामा बसेका हुन् । वर्षौदेखि सरकारले आफूहरुलाई फ्रिक्वेन्सी नदिएको र हाल अँएर टेलिभिजन प्रसारक संस्थालाई ‘चोर बाटो’बाट दिन लागिएको भन्दै उनीहरु धर्नामा बसेका हुन् । 

 

इन्टरनेट सेवा प्रदायकहरूको संस्था (आइस्पान) का अध्यक्ष भोजराज भट्ट मन्त्रालयको ठाडो हस्तक्षेपमा फ्रिक्वेन्सी गैरकानूनी तवरबाट बाँड्न लागिएकाले आन्दोलनमा आएको बताए । उनले फ्रिक्वेन्सी अक्सन (मोल बढाबढमा लिलामी) गर्नुपर्ने बताए ।


‘अक्सन गर्दा राज्यलाई पनि फाइदा हुन्छ । कसैलाई पोस्नका निम्ति नै सरकारले ब्याक डोरबाट फ्रिक्वेन्सी दिन लाग्नु गलत छ’ उनले भने । 

फ्रिक्वेन्सी वितरणको मान्यता र अभ्यासविपरीतको कार्य नगर्न उनीहरुले सचेत गराएका छन् ।

 

सरकारले आफूहरुको माग सुनुवाई नगरे चरणवद्ध आन्दोलनमा उत्रने चेतावनी सेवा प्रदायकहरुले दिएका छन् ।  उनीहरुले प्राधिकरण ज्ञापनपत्र पनि बुझाउँदै छन् । 
 

इन्टरनेट सेवा प्रदायकहरूको संस्था (आइस्पान)
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।