व्यापार ओटोमोबाइल

नेपाली बजारमा मारुती सुजुकीको न्यूँ बिग वागन आर (भिडियाे सहित)

नेपाली बजारमा मारुती सुजुकीको न्यूँ बिग वागन आर (भिडियाे सहित)

काठमाडौं । मारुती सुजुकीले नेपाली बजारमा बिग वागन आर कार ल्याएको छ ।

नेपालका लागि मारुती सुजुकीको आधिकारिक बिक्रेता सिजी मोटोकर्पले आज राजधानीमा एक समारोहकाबीच उक्त कार सार्वजनिक गरेको हो । 

यसै अबसरमा कम्पनीले आजै ललितपुरको धोवीघाटमा आफ्नो नयाँ सोरुम समेत उद्घाटन गरेको छ । नयाँ कार नयाँ शोरुम कम्पनीले विशेष कार्यक्रमकाबीच सार्वजनिक गरेको हो । 

 

बिग वागन आर कार पहिलेकै वागन आरको परिमार्जित भर्सन हो । जुन भारतीय बजारमा केहि समय अघि मात्र सार्वजनिक भएको थियो । 


भारतीय बजारमा सार्वजनिक भएको छोटो समयमानै नेपाल भित्रीएको वागन आरको भित्री–वाहिरी बनावटमा व्यापक परिमार्जन गरिएको छ । नयाँ कार पुरानोको तुलनामा निकै आकर्षक समेत रहेको कम्पनीले बताएको छ । 
वागन आर पहिले जस्तै टलब्वाई डिजाइनमा उपलब्ध छ । यद्यपि यसको एक्सटेरियर र इन्टेरियरमा विभिन्न थप फिचरहरु समाहित गरिएका छन् । कम्पनीले बिग वागन आरलाई तेस्रो पुस्ताको संज्ञा दिएको छ । 


नयाँ वागन आर सुजुकीको नयाँ हार्टेक्ट प्लेटफर्ममा निर्माण गरिएको छ । त्यसैले पनि यो पहिले भन्दा बढी हलुका, ठूलो, सुरक्षित र आरामदायक छ । पहिले भन्दा यसको ह्विलबेस ३५ एमएम र चौडाई १२५ एमएम बढी छ । यसको अघिल्लो भागमा क्रोम स्ट्रिपका साथ रेक्टेंगुलर ग्रिल छ । यसको हेडल्याम्प्स पनि हालको मोडल भन्दा ठूलो छ । यसमा थ्री स्लेट एयरड्यामका साथ ड्युअल टोन बम्पर छ र यसको दुवैतरि फग ल्याम्प्स पोड्स छ ।

 

यसमा इन्टिग्रेटेड टर्न इन्डिकेटर्सका साथ आउटसाइड रियर भ्यु मिरर (ओआरभीएम) छ । कारमा १४ इन्चको एलोई ह्विल छ । त्यसैगरी फ्रन्टमा डिस्क र रियरमा ड्रम ब्रेक उपलब्ध छ । यसको पछिल्लो भागको लुक्समा पनि केही परिवर्तन गरिएको छ । यो कार दुई इन्जिन अप्सनमा उपलब्ध छ । एउटामा ९९८ सीसी, ३ सिलिन्डर पेट्रोल इन्जिन छ । यसले ६७ बीएचपी पावर र ९० एनएम टर्क जेनेरेट गर्नेछ । त्यसैगरी अर्को अप्सनमा ११९७ सीसी, ४ सिलिन्डर पेट्रोल इन्जिन छ । यसले ८३ बीएचपी पावर र ११३ एनएम टर्क जेनेरेट गर्नेछ ।

">

मारुती सुजुकी वागन आरको क्याविन वर्तमान मोडल जस्तै साधारण छ । ड्यासबोर्डमा ब्राउन र बेज कलरमा ड्युअल टोन फिनिस उपलब्ध छ । क्याबिनमा ठूलो एमआईडी युनिटका साथ इन्स्ट्रयुमेन्ट कन्सोल र टचस्क्रिन इन्फोटेनमेन्ट सिष्टम पनि उपलब्ध हुनेछ । यसको स्टेयरिङ ह्विलमा सिल्भर फिनिस दिइएको छ । त्यसैगरी स्टेयरिङ माउन्टेड अडियो र फोन कन्ट्रोलको सुविधा पनि उपलब्ध रहेको छ ।


१.० लिटर र १.२ लिटरको इन्जिन उपलब्ध न्यूँ वागन आर तीन भेरियन्टमा आएको छ । 

नेपाली बजारमा उपलब्ध १.० लिटर भीएक्सआईको मूल्य २४ लाख ९९ हजार र १.२ लिटर भीएक्सआई (अप्सन)को मूल्य २६ लाख ९९ हजार रुपैयाँ तोकिएको छ । र १.२ लिटर जेडएक्सआई (अप्सनल)को भने २७ लाख ९९ हजार रुपैयाँ तोकिएको छ ।
जसमा १.० लिटरको वागन आरले २२.५ किलोमिटर र १.२ लिटरको वागन आरले २१.५ किलोमिटरको माइलेज दिने कम्पनीको दावी छ ।

">

मारुती सुजुकी, सिजी मोटोकर्प
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।