कभर स्टोरी भिडियो इतिहास र अनुभूति

गणतन्त्र मुख्य लाभ राजावादी कमल थापालाई भाग ९ (भिडियोसहित)

गणतन्त्र मुख्य लाभ राजावादी कमल थापालाई भाग ९  (भिडियोसहित)

नेपालआजले शुरू गरेको इतिहस सम्बन्धी शृंखलाको पहिलो चरणमा इतिहास विषयका प्रा. डा.सुरेन्द्र केसी हुनुहुन्छ । केसीसँग नेपालआजले इतिहासका पाटाहरू केलाउने क्रममा नवौं भागसम्म आइसकेको छ । यो भागमा डा.केसीले इतिहासका पात्रहरूबारे चिरफार गर्नुभएको छ । प्रस्तोता हरिराम रिमालसँग डा.केसीले यो भागमा नेपालको ऐतिहासिक चर्चा निम्नानुसार गर्नुभएको छ : 

 


‘बेबी किङलाई स्वीकार गरेको भए राजतन्त्र रहन्थ्यो भन्ने कुरा इतिहास सम्मत छैन । जब कसैले आफ्नो शक्ति सम्पूर्णरुपमा परित्याग गरिसक्छ भने फेरि उसले यो वा त्यो बहानामा कसरी शक्ति प्राप्त गर्छ होला त ?  यदि ज्ञानेन्द्रले भनेको कुरा सही हो भने त्यो कहाँ छ ? नेपालका नेताहरुले भनेको कुराहरु विश्वास गरिहाल्न सकिदैन किनभने राधाकृष्ण मैनालीले भारतबाट सेना ल्याएर भए पनि राजा फ्याल्नुपर्छ भनेर माधवकुमार नेपालले भने भनेर आफ्नो आत्मवृतान्तमा उल्लेख गरेका छन् । सिपी मैनालीले एक कार्यक्रममा राधाकृष्ण मैनालीले भनेको कुरा सत्य होइन भनेर भने । यस्तो कुरामा नेताको कुरा पत्याइँदैन । 

 

६२/ ६३ आन्दोलनको सबभन्दा बढी लाभ कमल थापालाई भयो । यसबाहेक माओवादीलाई शान्तिपूर्ण सम्भौतामा आउन सहयोग भयो । तर गिरिजाप्रसाद कोइरालाहरुले भने त्यति बदला लिन सकेनन् । 

 

०७० सालको चुनावमा प्रचण्डको नराम्रो हार भयो । सिराहामा उनी विजय भएर आए,  त्यो पनि प्रायोजित रुपमा उनलाई जिताएर ल्याइयो । ग्राण्ड डिजाइन केलाई मान्ने ? स्वयं उनलाई पनि जिताएर ल्याइयो । त्यसकारणले महत्वपूर्ण कुरा के हो भने, पहिलो संविधान सभालाई तुहाउने जुन दृष्टिदोष प्रचण्डहरुले बोके त्यसको आत्मघाती दोष उनीहरुले बेहार्नुपरेको हो ।  

 

७२ को संविधान जारी हुँदाको परिस्थितिमा तेस्रो शक्ति भन्दा फरक खालको इच्छामा संविधान जारी भयो, त्यो शक्तिले त्यति खेल्न सकेन र नाकाबन्दीहरु यसकै परिणाम पनि हुन् । आन्तरिक रुपमा तीन दलको गठबन्धन भयो । त्यो गल्ती थियो । किनभने नाकाबन्दी यति घातक भयो कि त्यो रिकोभर गर्न पनि हामीलाई सय वर्ष लाग्छ । 

 

एक वर्षमा सरकारबाट धेरै अपेक्षा राखेको होइन । उनीहरुले नै पाँच छवटा बुँदाद्वारा हाम्रो मनोविज्ञानलाई उत्तेजित बनाइदिए । सिन्डिकेट कुरा, ३३ किलो सुन, एनजिओको कुरा, ५ हजार भत्ताका कुरा आदि । हामी त सरकाका अघि बच्चा हौं र सरकार अभिभावक । आफूले भोट दिएको सरकारले अपेक्षा पूरा नगर्दा बोल्न नपाउने ?’ 
र याे पनि

वंशावलीलाई आधार मानिएका कुरा सत्य नहुन पनि सक्छन् (भिडियोसहित) भाग १

इतिहासलाई जे हो त्यही अवस्थामा बुझ्नु पर्छ (भिडियोसहित) भाग २

समाज ‘ग्रुप सेक्स’बाट ‘इन्डिभिज्वल सेक्स’मा रुपान्तरण भएको देखिन्छ (भिडियोसहित) भाग ३

रणबहादुर शाह: निकम्मा अनि महिला भेला गरेर राज्यको सम्पत्ति उडाउने मात्रै (भिडियोसहित) भाग ४

नेपालको दरबार काटमारको केन्द्र थियो (भिडियोसहित) भाग ५

युरोप जाने पहिलो नेपाली जंगबहादुर होइनन् (भिडियोसहित) भाग ६

व्यक्तिगत वैरभाव हुनेलाई झापा विद्रोहका नाममा हत्या गरियो (भिडियोसहित) भाग ७

बाबुराम र प्रचण्ड भारतीय सेनाको हेलिकोप्टरमा आएपछि गिरिजा छक्क, भाग ८ (भिडियोसहित)

">

डा.सुरेन्द्र केसी
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।