विचार इतिहास र अनुभूति

बाबुराम र प्रचण्ड भारतीय सेनाको हेलिकोप्टरमा आएपछि गिरिजा छक्क, भाग ८ (भिडियोसहित)

बाबुराम र प्रचण्ड भारतीय सेनाको हेलिकोप्टरमा आएपछि गिरिजा छक्क, भाग ८ (भिडियोसहित)

काठमाडौं । नेपालआजले शुरू गरेको इतिहास सम्बन्धी शृंखलाको पहिलो चरणमा इतिहास विषयका प्रोफेसर सुरेन्द्र केसी हुनुहुन्छ । केसीसँग नेपालआजले इतिहासका पाटाहरू केलाउदै आठौं भागसम्म आइसकेको छ । यो भागमा डा.केसीले इतिहासका पात्रहरूबारे चिरफार गर्नुभएको छ । प्रस्तोता हरिराम रिमालसँग डा.केसीले यो भागमा १७ सालपछिको नेपालको ऐतिहासिक चर्चा निम्नानुसार गर्नुभएको छः  

 

‘बिपीको निधनपछि वामपन्थी र कांग्रेसहरु नजिक आउने वातावरण बन्यो र ०४६ सालको आन्दोलनको लागि एउटा आधार तयार भयो भन्ने कुरा तार्किक छ । तर विरोधाभाष कहाँ छ भने, अहिले शेरबहादुरले बिपीले भनेको ठीक रहेछ, वास्तवमा ‘कम्युनिष्टहरुसँग सहकार्य गर्नु नहुने रहेछ’ भन्न थालिसकेका छन् । राजसंस्था नै आए पनि केही हुने छैन, र मुलुकलाई धर्मनिरपेक्षतामा लगेर गल्ती गरिएछ भनेर पनि भन्न थालिसकेका छन् । यो स्थिती हेर्दा बिपीलाई यो कोणबाट खोट लगाउन  मिल्दैन । 

 

०४६ सालको आन्दोलनमा दुइ विपरित ध्रुव कांग्रेस र वामपन्थी राजसस्ंथाविरुद्धमा एक हुनमा वाह्य कारणहरु छन् । पूर्वी यूरोप ढल्यो, त्योभन्दा पहिला बर्लिन पर्खाल र शोभियत सत्ता पनि ढल्यो । विखण्डनका प्रक्रिया शुरु भयो । त्यो विखण्डनको  प्रक्रिया भारत हुँदै नेपाल आएको हो । वाह्य रुपमा यो आयाम हो । विश्वव्यापी रुपमा उदारवादी हावा लागेको थियो । अमेरिका र शोभियतमा पनि बदलाव आयो, शीतयुद्धको फेज हरायो । त्यसले नै प्रभाव पा¥यो ।.आन्तरिक रुपमा अर्को कारण राजाको निरंकुशता विरोधको प्रतिरोध र जनआन्दोदलन हो । तर वाह्य रुपमा विश्वव्यापी रुपमा आएको उदारमुखी हावाको लहर थियो । यो दुईवटा कुराको समायोजनाले दुई ध्रुवको एकसाथ विरोध सम्भव भयो । 

२०४७ सालको संविधानलाई २० बुँदे असहमतिसहित त्यतिबेलाको प्रभावशाली पार्टी नेकपा एमालेले स्वीकार गरेका छ । एउटा नौलो जनवादी क्रान्तिबाट प्रभावित भइरहको पार्टी संवैधानिक राजतन्त्रलाई स्वीकार्ने ठाउँमा पुग्यो । किनभने यो वास्ताविक कम्युनिष्ट आन्दोलन नभइ टाढाबाठा, पढेकाहरुले गरेका हुन् । उनीहरुलाई यही कुरालाई ठूलो मान्थे ।

 

४७ को परिवर्तनपछि सबैभन्दा पहिलो पजेरो चढ्ने त मदन भण्डारी नै थिए । देवत्वकरण र दानवीकरण गर्नमा हामी  एमदम माहिर छौं । त्यसो पटक्कै गर्नु हुँदैन । ४० सालको आन्दोलनको व्यवस्था गर्न सकिएको भए सबैभन्दा बढी फाइदा राजसंस्थालाई हुन्थ्यो । पदीय रुपमा राजसंस्था र पूर्वपञ्चलाई फाइदा भयो । कांग्रेस एमालेलाई त घाटा नै भयो । 

 

५० साल जेठ १९ गते दरबार हत्याकाण्ड भएपछि अहिले आएका परिणामहरुलाई हेरेर यसलाई विश्लेषण गर्दा ज्ञानेन्द्रको परिवार भन्दा यसले अरुलाई केही फाइदै भएको छैन । तर अब यहाँ के भन्छन् भने, गर्ने गराउने अर्कै थियो, योजनाबद्ध तरिकाले राजसंस्था कमजोर पारियो भनिन्छ । ‘रअ’ र सिआइएका एजेन्टले योजनाबद्ध तरिकाले ज्ञानेन्द्रको टाउकोमा फालिदिए भनेर भनिन्छ । बाँकी त तथ्य र इतिहासले मात्र भन्न सक्छ हामीले केही भन्न सक्दैनौं । 

 

कोइराला परिवार असाध्यै धेरै कम्युनिष्टप्रति रिजिड मानसिकतामा थियो । गिरिजाप्रसाद कोइराला कांग्रेसभित्र एकदमै हावी भएको समयमा माओवादीजस्तो शक्तिसँग सहकार्य गर्ने परिस्थिति आयो । जुन अकल्पनीय थियो । त्यो बेलामा सायद हङकङतिरबाट गिरिजाबाबु दिल्लीमा ल्याण्ड गर्नुभयो ।

 

जुन ठाउँमा गिरिजाबाबु बस्नुभएको थियो त्यो ठाउँमा बाबुराम र प्रचण्डलाई भारतीय सुरक्षाको हेलिकप्टरले बोकेर ल्यायो । त्यसपछि गिरिजाले माओवादी आन्दोलन चानचुने हिसाबले भएको होइन रहेछ भन्ने बुझे । पछि त प्रचण्ड र गिरिजा निकै निकटका नेता र आत्मीय नेता हुन् भन्नेसम्मका कुुरा गर्थे र गिरिजाबाबुले छोडेर गएको काम पूर्ति गर्ने जिम्मेवारी मेरै हो पनि भन्थे । तर यो बेइमानी भनौं कि, विश्वासघात, गिरिजालाई पहिलो राष्ट्रपति त दिएनन् उनले । अन्यथा यो पृष्ठभूमिमा गिरिजा र प्रचण्डको कार्यगत एकता भएको देखिन्छ । अरु त सुरिएर आएका हुन् केही अर्थ छैन ।’ 

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।  

पुरा पढ्नुहोस्