भिडियो इतिहास र अनुभूति

व्यक्तिगत वैरभाव हुनेलाई झापा विद्रोहका नाममा हत्या गरियो (भिडियोसहित) भाग ७

व्यक्तिगत वैरभाव हुनेलाई झापा विद्रोहका नाममा हत्या गरियो (भिडियोसहित) भाग ७

काठमाडौं । नेपालआजले शुरु गरेको इतिहास सम्बन्धी शृंखला ‘’ को पहिलो चरणमा इतिहास बिषयका प्रा.डा. सुरेन्द्र केसी हुनुहुन्छ । केसीसँग नेपालआजले इतिहासका पाटाहरु केलाउने क्रममा सातौं भागसम्म आइसकेको छ । यो भागमा डा. केसीले इतिहासका पात्रहरुबारे चिरफार गर्नुभएको छ । प्रस्तोता हरिराम रिमालसँग डा. केसीले यो भागमा २०१७ सालपछिको इतिहासको चर्चा निम्नानुसार गर्नुभएको छः 

 

‘७ सालमा जे परिवर्तन भयो, त्यो परिवर्तन संस्थागत हुँदै जान सकेन । नेताहरुको आचरण प्रजातान्त्रिक मूल्यमान्यता बमोजिम भएनन् । राजसंस्थावादी शक्तिहरुले पनि दलबाट शक्ति खोस्न प्रयास गरिरहे । राजनीतिक दलहरुले सुझबुझ देखाउन सकेनन् । जसका कारण १७ सालको प्रकरण देखा परेको हो । 

 

१७ सालको कूमा राजा महेन्द्रकै महत्वकांक्षा महत्वपूर्ण थियो । विपीले ठूलो कमजोरी गरेका होइनन् । १७ सालको कदममा भारतको समर्थन थियो । विपी कोइरालाका लागि विश्व परिस्थिति अनुकुल थिएन । 

 

राजा महेन्द्रले ३० वर्ष पञ्चायत चलाए । दलहरुले पनि ३० वर्ष चलाइ सके । के फरक भयो ती यी दुई बीचमा ? कसले कति विकास गरेको छ ? 
त्यो बेला कम्युनिष्ट पार्टीले आन्तरिक द्वन्द्वले शिर उठाउन सकेन । सामाजिक परिस्थिति पनि अनुकुल थिएन । नेपाली समाजमा कम्युनिष्ट विचारधारा भर्खर प्रवेश गरेको थियो । कम्युनष्टिलाई अछुत जस्तो व्यवहार गरिन्थ्यो ।

कोइराला परिवारमा पनि कम्युनिष्ट विरोधी भावना थियो । कोइराला परिवार कुर्सीमा बस्ने, बाँकी सबै प्रजा झै भुँईमा बस्ने सामन्ती प्रथा थियो । पदका लागि मातृका र विपी कोइराला दुवैमा लालच थियो । 

 

झापा विद्रोहका नाममा त्यहाँका बिमली, राजवंशी थरका मानिसहरुलाई सामन्ती भएको आरोपमा सिपी मैनाली, राधाकृष्ण मैनाली, केपी ओलीहरुले हत्या गरे । अनारमनीका एक पीडितले मलाई नै भने, ‘हाम्रा बुबाहरुलाई सामन्ती भनेर हत्या गरे । अहिले सिपी, आरके मैनालीका बिल्डिङ हाम्रो भन्दा ठूलो छ रे । आफैं सामन्ती हुन अरुको हत्या गरेका रहेछन् ।’

 

त्यो बेला सामन्ती मारेकै होइन रहेछ । जोसँग आफ्नो वैरभाव थियो, तिनैको हत्या गरेका रहेछन् । 

र याे पनि । 

वंशावलीलाई आधार मानिएका कुरा सत्य नहुन पनि सक्छन् (भिडियोसहित) भाग १

इतिहासलाई जे हो त्यही अवस्थामा बुझ्नु पर्छ (भिडियोसहित) भाग २

समाज ‘ग्रुप सेक्स’बाट ‘इन्डिभिज्वल सेक्स’मा रुपान्तरण भएको देखिन्छ (भिडियोसहित) भाग ३

रणबहादुर शाह: निकम्मा अनि महिला भेला गरेर राज्यको सम्पत्ति उडाउने मात्रै (भिडियोसहित) भाग ४

नेपालको दरबार काटमारको केन्द्र थियो (भिडियोसहित) भाग ५

युरोप जाने पहिलो नेपाली जंगबहादुर होइनन् (भिडियोसहित) भाग ६

प्रा.डा. सुरेन्द्र केसी