समाचार

खेल

आज नेपाल र थाइल्याण्डकाे पुलिस टेरो क्लब भिड्ने

मङ्गलबार, २२ साउन २०७५ गते प्रकाशित
- नेपाल अाज(PO)

काठमाडौं  । आज (मंगलबार) नेपाली राष्ट्रिय फुटबल टिमले थाइल्याण्डको पुलिस टेरो क्लबसँग अभ्यास खेल खेल्दैछ । खेल नेपाली समय अनुसार बेलुका ५ बजेपछि थाइल्याण्डमा सुरु हुनेछ । एसियाड र साफ च्याम्पियनसिपको तयारीका क्रममा नेपाली टोली थाइल्याण्ड पुगेको हो ।

 

मंगलबार नेपाली टीममा रोहित चन्द र किरण चेम्जोङ हुने छैनन् । रोहितलाई उनी आवद्ध रहेको इण्डोनेशियाको क्लबले नपठाएको हो भने किरण आज मात्र थाइल्याण्ड जानेछन् ।

 

चोटका कारण भरत खवास पनि थाइल्याण्ड गएका छैनन् । नेपालको २३ वर्षमुनिको टोली अभ्यास खेलमा आउँदो शुक्रबार थाइल्याण्डको २३ वर्षमुनिको टोलीसंग खेल्नेछ ।

 

साफ र एसियन गेम्सको लागि एन्फाले २६ खेलाडीलाई अभ्यासका लागि थाइल्याण्डमा पठाएको हो । थाइल्याण्डको प्रशिक्षणपछि नेपाली टोली त्यहीबाट इन्डोनेसियामा जानेछ ।