मुख्य समाचार

राजनीति

कांग्रेसको विधान मस्यौदा समिति गठन

बिहिबार, ०७ भदौ २०७५ गते प्रकाशित
- नेपाल आज

कांग्रेसको विधान मस्यौदा समिति गठन

काठमाडौं । नेपाली कांग्रेसले संघीय संरचनाअनुसार पार्टीको विधानमा आवश्यक संशोधन र परिमार्जन गर्न विधान संशोधन मस्यौदा समिति गठन गरेको छ । 

 

सभापति शेरबहादुर देउवाले पार्टीको विधान, २०१७ (संशोधित र परिमार्जित) को धारा, २४ (८) बमोजिम बिहीबार विधान संशोधन मस्यौदा समिति गठन गरेका हुन् । मुलुकको नयाँ संघीय संरचनाअनुसार पार्टीका संठनात्मक संरचनाहरूलाई पुनः संरचना गर्न विधानमा आवश्यक संशोधन गर्न कांग्रेस केन्द्रीय कार्य समितिको गत वैशाख १६ गते सम्पन्न बैठकले विधान मस्यौदा समिति गठन गर्ने निर्णय गरेको थियो । 

 

पार्टीका महामन्त्री पूर्णबहादुर खड्काको संयोजकत्वमा ११ सदस्यीय समिति गठन गरेको हो । समितिको सदस्यमा केन्द्रीय सदस्यहरू डा. मीनेन्द्र रिजाल, फरमुल्लाह मन्सुर, मानबहादुर विश्वकर्मा, दिलेन्द्रप्रसाद बडू, महालक्ष्मी उपाध्याय ‘डिना’, आनन्दप्रसाद ढुङ्गाना, नवीन्द्रराज जोशी, सीता गुरुङ, प्रदीप पौडेल र रमेश लेखक रहेका छन् । 

 

समितिले पार्टी सभापति देउवासँग परामर्श गरी आफ्नो कार्यविधि आफँै तयार गरी लागू गर्ने पार्टी कार्यालयका मुख्यसचिव कृष्णप्रसाद पौडेलले बताए । समितिका संयोजकले आवश्यकतानुसार विभिन्न व्यक्ति तथा संस्थाहरूलाई आफ्नो समितिमा आमन्त्रण गर्न सक्ने अधिकार प्रदान गरिएको छ ।