अपराध सुरक्षा मुख्य समाचार समाज प्रदेश ३

बाढी पहिरोबाट ५ दिनमा २६ जनाको मृत्यु

बाढी पहिरोबाट ५ दिनमा २६ जनाको मृत्यु

काठमाडौं । असार १५ देखि २० गतेसम्म मुलुकका विभिन्न जिल्लामा आएको बाढी र पहिरोमा परी २६ जनाले ज्यान गुमाएका छन् । प्रतिनिधिसभाको बुधबारको बैठकमा गृहमन्त्री रामबहादुर थापाले पछिल्ला केही दिनको बाढी र पहिरोले पुर्‍याएको क्षतिको विवरण दिदै १५ गतेदेखि आजसम्म २६ जनाको मृत्यु भएको जानकारी दिएका हुन् ।

 

बाढीमा परी २ जना बेपत्ता भएका छन् भने झण्डै दर्जन घाइते भएका छन् । गृहमन्त्रीले दिएको जानकारीअनुसार, कैलालीमा १ , बाँकेमा ४, सिन्धुलीमा २, रोल्पामा ३, चितवनमा १ , पर्सामा २ , काठमाण्डौमा १, सर्लाहीमा २ जना, तनहुँमा २ ,उदयुरमा १, सिरहामा १, दाङ १, मकवानपुरमा २, महोत्तरी १, बर्दियामा १ , बारामा १जनाको मृत्यु भएको हो ।

 

उनले बाढी प्रभावित स्थानमा तत्काल राहत र उद्धारको काम सुरु गरिसकेको पनि स्पष्ट पारेका छन् । उनले मौसमविद्हरुको पूर्वअनुमान ठुलो क्षतिको संभावनालाई मध्यनजर गर्दै सरकारले जोखिम न्युनीकरणका लागि आवश्यक तयारी गरिएको जानकारी दिए ।

 

उनले विपद जोखिम न्यूनिकरण राष्ट्रिय परिषद्को बैठक बसिरहेको र आवश्यक पूर्वतयारी भइरहेको जानकारी दिए । उनले बाढी प्रभावितको राहत र उद्धारका लागि आवश्यक बजेट विनियोजन गरी जोखिमयुक्त स्थान पहिचान गरी राहत सामग्री पु¥र्याउने काम भइरहेको पनि बताए ।

बाढी पहिरो
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।