भिडियो

मेरो परिवार मेरो कथा

‘छोरा उमेरका ट्राफिकबाट ‘यता जा, उता जा’ जस्ता शब्द सुन्नु पर्दा राम्रो लाग्दैन’ (भिडियोसहित)

बिहिबार, १० साउन २०७५ गते प्रकाशित
- नेपाल आज

‘छोरा उमेरका ट्राफिकबाट ‘यता जा, उता जा’ जस्ता शब्द सुन्नु पर्दा राम्रो लाग्दैन’ (भिडियोसहित)

काठमाडौं । कमला श्रेष्ठले काठमाडौंमा ट्याम्पो चलाएको १८ वर्ष पुग्यो । उनका दुई छोरा छन् । धेरै मापसे गर्ने श्रीमान परे । पौरखी श्रीमतीलाई चिन्न सकेनन् । अन्तरजातीय पे्रम विवाहले खास काम गरेन । पतिले डिभोर्स मागेछन् । कमलालाई पनि पतिको शैलीले वाक्क पारेछ । डिभोर्स मागेपछि उनले पनि दिइन् ।  दुई छोरा आफैले पढाइन् । 

 

कमलाको विवाहको कुरा रोचक रहेछ । एउटै कम्पनीमा काम गर्दा रहेछन् उनका पहिलेका पति । पतिका साथीहरुले एक दिन काम छ भनेर बोलाए । उनी पनि गइन् । त्यहा पुगेपछि ‘तिमीलाई त मैले बिहे गरेर ल्याएको हो । छाडदिनँ यतै राख्ने हो ।’ भने । उनी पनि भाग्य यस्तै रहेछ भने विवाह बन्धनमा बाँधिइन् ।


अहिले त छोराहरु पनि हुर्के । दुवै छोराको त बिहे पनि भयो । उनले काठमाडौंमा ट्याम्पो चलाउँदा तीन चार जना मात्रै महिला यो क्षेत्रमा थिए । अहिले धेरै भए ।  

 

कमलासँग ट्याम्पाको मात्रै होइन, चार पांग्रेको पनि सवारी चलाक अनुमति पत्र छ । तर उनी ट्याम्पोेमै रमाइन् । साहुलाई दैनिक तीन हजार ८ सय बुझाउनु पर्ने र त्यो भन्दा बढी जति कमाए पनि आफ्नै हुने उनले जानकारी दिइन् । 

 

महिला चालक हुँदा के फरक हुन्छ त ? उनी भन्छिन्, ‘छोरा उमेरका ट्राफिकबाट भिडभाडमा ‘यता जा, उता जा’ जस्तो शब्द सुन्नु पर्दा राम्रो लाग्दैन ।’

 

नेपालआजसँगको कुराकानीमा कमलाले जीवनका पाटाहरु रोचक ढंगले व्यक्त गरेकी छन् । 

 

ट्याम्पो विस्थापित हुने सम्भावना छ । बीस बर्षे नियम सफा टयाम्पोमा लागु भएको छैन । भयो भने हट्न सक्छ । त्यसपछि टयाक्सी चलाउने कि भन्ने सोचमा कमला छिन् । हेभी गाडी नै पनि चलाउने हिम्मत उनमा नभएको होइन । तर उमेर ४८ वर्ष भएकोले यस्तो उमेरमा हेभी गाडी सिक्न नपाइने उनले ठानेकी छिन् ।