मुख्य समाचार

देश

उपकुलपति कोइरालाको क्यानडा भ्रमण स्थगन न्यायपूर्ण: प्रगतिशील प्राध्यापक

बिहिबार, २८ असार २०७५ गते प्रकाशित
- नेपाल अाज(PO)

उपकुलपति कोइरालाको क्यानडा भ्रमण स्थगन न्यायपूर्ण: प्रगतिशील प्राध्यापक

काठमाडौँ । संस्कृत विश्वविद्यालयका उपकुलपति प्रा. डा.कुलप्रसाद कोइरालाको क्यानडा भ्रमण स्थगन न्यायपूर्ण रहेको प्राध्यापकहरुले बताएका छन्।

 

नेपाल प्रगतिशील प्राध्यापक संगठनले बुधबार जारी गरिएको प्रेस विज्ञप्तिमा विश्वविद्यालयको अभिभावकत्व ग्रहण गरेका व्यक्तिबाट मर्यादाहीन काम भएकाले प्रा डा कोइरालाको क्यानडा भ्रमण स्थगन हुनु न्यायपूर्ण रहेको जनाएको छ।

 

विदेश भ्रमणमा जाँदा अपनाउनुपर्ने सामान्य प्रक्रियालाई समेत बेवास्ता गरी कुलपतिको पूर्वस्वीकृति बिना नै विदेश भ्रमणका लागि तयार भएको देखिएको छ, विज्ञप्तिमा भनिएको छ, ‘नियुक्त भएदेखि नै उपकुलपति डा.कोइरालाबाट विश्वविद्यालयको ऐन नियम विपरीत काम गर्दै आएको छ।’