खेल

म्यानचेष्टर युनाइटेडलाई हराउँदै ब्राइटन रेलिगेसनबाट बच्यो

शनिबार, २२ बैशाख २०७५ गते प्रकाशित
- नेपाल आज (LB)

म्यानचेष्टर युनाइटेडलाई हराउँदै ब्राइटन रेलिगेसनबाट बच्यो

काठमाडाैं । इंग्लिस प्रिमियर लिगमा पास्कल ग्रसको गोल निर्णयक बन्दा ब्राइटन एण्ड होवले म्यानचेष्टर युनाइटेडलाई हराएको छ । प्रियिमर लिग तालिकाको दोस्रो स्थानमा रहेको युनाइटेडलाई १–० ले हराउँदै ब्राइटन रेलिगेसनमा पर्ने खतराबाट मुक्त भयो ।

 

खराब प्रदर्शन गरेको युनाइटेड खेलको सुरुवातमा नै गोल खानबाट जोगिएको थियो । ग्लेन मुर्रेले डिबक्स बाहिरबाट गरेको प्रहार युनाइटेडका गोलकिपर डि गेयाले बचाएका थिए ।

 

५७ औं मिनेटमा पास्कल ग्रसले हेड मार्फत गोल गर्दै ब्राइटनलाई अग्रता दिलाए । त्यही गोलको कारणले ब्राइटले महत्वपूर्ण तीन अंक जोड्दै रेलिगेसनबाट बच्न सफल भयो ।

 

प्रिमियर लिगमा तीन खेल बाँकी रहँदा ब्राइटन रेलिगेसन क्षेत्रभन्दा ८ अंकमाथि छ । म्यान्चेष्टर युनाइटेड भने ७७ अंकसहित दोस्रो स्थानमा छ ।