खेल

मुख्य समाचार

अाइपीएल : काेहलीले ५०० रन बनाएपछि बैंग्लाेरले पञ्जाबलार्इ १० विकेटले हरायाे

मङ्गलबार, ०१ जेठ २०७५ गते प्रकाशित
- नेपाल अाज(PO)

अाइपीएल : काेहलीले ५०० रन बनाएपछि बैंग्लाेरले पञ्जाबलार्इ १० विकेटले हरायाे

इण्डियन प्रिमियर लिग (आईपीएल) अन्तरगतकाे ४८ अाैं खेल रोयल च्यालेन्जर्स बैंग्लोर र किंग्स इलाभेन पन्जाबका लागि अनपेक्षित र अविष्मरणीय रह्याे । बैंग्लाेरसँग पञ्जाब १० विकेटले पराजित भएकाे छ ।

 

जारी ११ औँ संस्करणको आइपिएल अन्तर्गत यो खेल दाेस्राे सबैभन्दा कम रनको लक्ष्य र फराकिलो जितकाे नतिजाका कारण दुवै टिमका लागि बिर्सन नसक्ने खालकाे बनेकाे छ । पन्जाबले दिएको ८९ रनको झिनो लक्ष्य बैंग्लोरले ८ ओभर १ बलमै भेटाएर जित हासिल गर्‍यो । जसमा कप्तान विराट कोहलीले ४८ र पार्थिव पटेलले ४० रन बनाए ।

 

पन्जाबले बनाएको ८९ रन आईपीएलको जारी सिजनमा दोस्रो कम स्कोर हो । यसअघि मुम्बई इण्डियन्सले सनराइजर्स हैदरावादविरुद्ध ८७ रन मात्र बनाएको थियो । उसाे त सन् २०१७ मा पन्जाबले पुणे सुपरजाइन्ट्सविरुद्ध ७३ रन मात्र बनाएको इतिहास पनि छ ।

 

यसैबीच, रोयल च्यालेन्जर्स बैंग्लोरका कप्तान विराट कोहलीले नयाँ कीर्तिमान बनाएका छन् । काेहली यस सिजनमा आफ्नो कुल ५०० रन पूरा गर्न सफल भए । कोहलीले पाँचौ पटक एकै सिजनमा ५०० रन बनाएर नयाँ कीर्तिमान कायम गरेका हुन् ।एकै सिजनमा पाँचौपटक ५०० भन्दा धेरै रन बनाउने कोहली पहिलो ब्याट्सम्यान भएका छन्।