मुख्य समाचार

स्वास्थ्य

देश

१२ वर्षमा बिहे, १३ वर्षमै आमा, छोरी जन्माएपछि घरनिकाला, स्वास्थ्य अवस्था गम्भीर

मङ्गलबार, ०१ जेठ २०७५ गते प्रकाशित
- नेपाल अाज(PO)

१२ वर्षमा बिहे, १३ वर्षमै आमा, छोरी जन्माएपछि घरनिकाला, स्वास्थ्य अवस्था गम्भीर

बाह्र वर्षमा विवाह भएर १३ वर्षमै छोरीलाई जन्म दिएकी सिराहा गोलबजारकी ममता मरिकको बिचल्ली भएको छ । छोरी जन्माएको भन्दै एक महिनाकी सुत्केरीलाई परिवारले घरनिकाला गरेको छ।

 

सप्तरीको गढीगाउँपालिका–७ का गुमन मरिककी छोरी ममताको एक वर्षअघि सिराहा गोलबजार घर भएका २७ वर्षीय प्रकाश मरिकसँग विवाह भएको थियो ।

 

ममताले १३ वर्षकै उमेरमा एक महिनाअघि छोरीलाई जन्म दिएकी थिइन् । प्रकाशको ममतासँग दोस्रो विवाह हो । जेठी श्रीमतीतर्फ दुई छोराछोरी छन् । छोरी जन्माएको भन्दै श्रीमान् र परिवारका सदस्यले वैशाख तेस्रो हप्ता घरनिकाला गरेपछि ममता माइतीको शरणमा पुगेकी हुन् ।

 

 अहिले मरिक र छाेरी दुबैलार्इ कुपाेषणले च्यापेकाे छ  ।  माइतीको आर्थिक अवस्थासमेत अत्यन्तै कमजोर भएकाले माइती पक्षबाट पनि किशोरी र शिशुको उचित हेरचाह हुन सकेको छैन । आर्थिक अवस्था कमजोर भएकाले आमा र शिशु दुवैको अस्पतालले निःशुल्क उपचार गर्दै आएको छ ।

 

किशोरीलाई काठमाडौं लान सम्भव नभएपछि उनलाई थप उपचारका लागि मंगलबार धरानस्थित बिपी कोइराला स्वास्थ्य विज्ञान प्रतिष्ठान लैजाने तयारी भएको एकद्वार संकट व्यवस्थापन केन्द्रकी फोकल पर्सन मीना भण्डारीले बताइन् । याे खबर अाजकाे नयाँ पत्रिका दैनिकमा छापिएकाे छ ।