बिचित्र विश्व

उडुसले टाेक्दा १६ कराेड रूपैयाँ क्षतिपूर्ति

सोमबार, २६ चैत २०७४ गते प्रकाशित
- नेपाल आज (NP)

उडुसले टाेक्दा १६ कराेड रूपैयाँ क्षतिपूर्ति

क्यालिफोर्निया। अमेरिकी राज्य क्यालिफोर्नियाको एक परिवारकाे छाेरालार्इ उडुसले टाेक्दा १६ लाख डलर (करिव १६ कराेड रूपैयाँ) क्षतिपूर्ति पाएका छन् । उनीहरुले छोरालाई उडुसले टोकेर स्थायी रुपमा तर्सने बनेको भन्दै अदालतमा अमुस्मेन्ट सिक्स अपार्टमेन्टविरूद्ध क्षतिपूर्तिकाे मागदावीसहित मुद्दा दायर गरेका थिए ।

 

द न्यूयोर्क टाइम्सले सिभिल जुरीले उडुसले टोकेको मुद्दामा अमुस्मेन्ट सिक्स अपार्टमेन्टबाट यतिका धेरै क्षतिपूर्ति दिलाएकाे हाे । वकिलका अनुसार एउटै परिवारलाई उडुसले टाेकेर यतिका धेरै क्षतिपूर्ति दिलाएको अमेरिकामै पहिलो घटना हाे । याे घटना २०१२ को हो ।

 

३४ बर्षीया लिलना मर्टिनेज्को परिवार क्यालिफोर्नियको इङ्लेउड भन्ने स्थानको एक अपार्टमेन्टमा बस्न पुगेका थिए । तिनीहरुको ३ वर्षीय छोरा जर्ज मार्भिल्लको अनुहारसहित शरीरका विभिन्न भागमा रातो दाग देखा पर्यो । अस्पतालमा जचाउन जाँदा त्यो उडुसले टोकेर भएको बताइयो ।

 

'जव मैले त्यो देखें म डराएँ, यसअघि मैले त्यस्तो चिज देखेकै थिइन' लिलना मर्टिनेज्ले भनेकी छन् । उनीहरुले तीन महिनाकी छोरीलाई पनि उडुसले टोकेको बताएकी छिन् ।

 

उनीहरुले बारम्बार अपार्टमेन्ट व्यवस्थापनलाई भन्दा पनि समस्याको स्थायी समाधान नभएको र दुई वर्षपछि उक्त स्थान छाडेको बताइएको छ । यही मुद्दामा सिभिल जुरीले अमुस्मेन्ट सिक्स अपार्टमेन्टलाई उक्त क्षतिपूर्ति तिर्न आदेश दिएको हो ।