अन्तरवार्ता

कला साहित्य

भिडियो

कभर स्टोरी

साहित्यले समस्या मात्रै होइन, समाधान पनि देखाउनु पर्छ (भिडियो)

साहित्यमा पनि राजनीति गन्ध आउन थाल्यो

आइतबार, ०९ बैशाख २०७५ गते प्रकाशित
- नेपाल आज

साहित्यले समस्या मात्रै होइन, समाधान पनि देखाउनु पर्छ (भिडियो)

काठमाडौं । भन्ने गरिन्छ, ‘कविहरुको कल्पनाको कुनै सीमा हुँदैन ।’ आम मानिसले सोच्न नभ्याएका विषयमा कविहरुको कलम चल्छ । शब्द तिनै हुन्छन्, विषय तिनै हुन सक्छन्, तर शब्द शब्द बुनेर माला बनाउने शिल्पीले तयार हुन्छ एक सिर्जना । यो सिर्जना के हो ? जीवन र सिर्जनाबीचको अन्तरंग के हो ? भन्ने विषयमा गजल संग्रह अम्लान फूलकी सर्जक साहित्यकार शान्ति शर्मासँग नेपालआजले अन्तरंग कुराकानी गरेको छ । 

 

पछिल्लो समय साहित्यमा पनि राजनीतिक गन्ध देखिन थालेको शर्मा बताउँछिन् ।

 

उनले भनिन्, ‘साहित्यलाई गलत तरिकाले प्रयोग गरेर व्यक्तिगत रुपमा प्रतिरोध साँध्ने काम भइरहेको छ । यसले साहित्य क्षेत्रलाई राम्रो गर्दैन।’


साहित्यले सामाजिक मुद्दालाई उठाउनुभन्दा पनि गुनासो पोख्ने मध्याम बनाउने शर्माको बुझाइ छ । 


उनले साहित्य प्रचारप्रसारको सामाग्री बनाइने गरेको भन्दै केही सिक्न चाहने नयाँ पुस्तालाई गाह्रो भएको बताइन् । 

 

साहित्यले समस्याको उजागर गर्ने तर समाधानका उपाए बाटो नदेखाउने गरेको उनले गुनासो गरिन् । 


अम्लान फूल

शर्माको गजल संग्रह ‘अम्लान फूल’  बजारमा आएको छ  । अम्लान फूल नामक  गजल संग्रह माया प्रेममा केन्द्रित रहेको देखिन्छ ।

 

संगीतप्रतिको मोहले आफूलाई गीत गजल तिर डोहो¥यायो र त्यसले मूर्तरुपले लिँदा अम्लान फूलको जन्मका उनी बताउँछिन् । यसको नाम पनि राष्ट्रकवि माधवप्रसाद घिमिरेले जुराई दिनुभएको उनले बताइन् । 

 

आफू प्रकृतिप्रेमी भएको भन्दै कहिले नसुक्ने फूल अम्लानलाई गजल संग्रहको नामकरण गरेको शर्माको भनाइ छ । उनले केही समयपछि उपन्यास बजारमा ल्याउने तयारी गरिरहेको सुनाइन् ।

 

उनले भनिन्,‘ साहित्यकारहरुमा बीपी कोइराला, झमक घिमिरे मन पर्छन् । तर मनपर्ने कृति भने जगदीश घिमिरेको ‘अन्तर्मनको यात्रा’ नै हो।’