अर्थ

शेयर

सेयर बजारमा दिनानुदिन हरियाली, नेप्से २५.३० अंकले बृद्धि हुँदा झण्डै सवा अर्बको कारोबार

बिहिबार, ०६ बैशाख २०७५ गते प्रकाशित
- नेपाल अाज(PO)

सेयर बजारमा दिनानुदिन हरियाली, नेप्से २५.३० अंकले बृद्धि हुँदा झण्डै सवा अर्बको कारोबार

सेयर बजार उकालो लाग्ने क्रमले बिहीबार पनि निरन्तरता पाएको छ । नयाँ वर्ष २०७५ शुरु भएसँगै बढ्न थालेको सेयर बजार साताको अन्तिम कारोबारको दिन पनि बढेर बन्द भएको छ । 

 

यसदिन नेप्से परिसुचक  २५.३० अंकले बढेर बन्द भएको हो । १.८६ प्रतिशतले बढेको बजार १३८८.३१ बिन्दुमा पुगेर रोकिएको छ । १६८ कम्पनी सामेल भएको आजको बजारमा १ अर्ब ११ करोड रुपैयाँ भन्दा बढीको कारोबार भएको छ ।

 

 बिहिबार ट्रेडिङ समुह (—२.२)बाहेक सबै समुहमा हरियाली छ । यस दिन सबैभन्दा बढी बिमा समुह ५१.२३ अंकले बढेको छ । जलविद्युत समुह ४४.८७ अंकले बढेको छ भने अन्य समुहमा २९.६६ अंकको बृद्धि भएको छ । यता बैकिङ समुह २४.५१ अंकले बढेको छ । आज सबैभन्दा बढी चिलिमे जलविद्युत कमपनीको ४ करोड २१ लाख रुपैयाँ भन्दा बढीको कारोबार भएको छ भने दोस्रो बढी कारोबार हुनेमा नेपाल बैंकको ३ करोड ९८ लाख रुपैयाँ भन्दा बढी छ । 

 

सानिमा माइ हाइड्रोपावरको ३ करोड ५३ लाख रुपैयाँ भन्दा बढीको कारोबार भएको छ ।