अर्थ

शेयर

मुख्य समाचार

पुँजी बजारमा उछाल, कारोबार रकम पनि अर्ब माथि लाग्दा यसरी दंग परे लगानीकर्ता

बुधबार, ०५ बैशाख २०७५ गते प्रकाशित
- नेपाल अाज(PO)

पुँजी बजारमा उछाल, कारोबार रकम पनि अर्ब माथि लाग्दा यसरी दंग परे लगानीकर्ता

काठमाडौं  । पुँजी बजारमा उछाल आएको छ । आइतबारदेखि मन्द गतिमा बढ्न थालेको बजार बुधबारसम्म आइपुग्दा व्यापक वृद्धि भइसकेको छ । मंगबारसम्म विशेष गरी बिमा कम्पनीहरु उचालिएका थिए ।

 

बिमाको पछिपछि माइक्रोफाइनान्स र होटेल समूह पनि लागेका थिए । तर बुधबार बैंकिङ समूह पनि उचालिएको छ । नेप्से सूचकमात्रै बढेको होइन, कारोबार रकमले पनि छलाङ मारेको छ ।



सूचक र कारोबार रकम दुवैमा उछाल आएकाले बजारको वृद्धि दिगो हुनेमा लगानीकर्ता निकै आशावादी देखिएका छन् । धितोपत्र बोर्डले सेमि अनलाइन सुरु गर्ने बित्तिकै बजारमा उछाल आउँदा लगानीकर्ता दङ परेका छन् । नेप्से सूचक बुधबार करिब ६० अंकसम्म बढ्यो । कारोबारको अन्तिम प्रहरमा आउनै लाग्दा फेरि एकाएक बिक्री चाप बढेपछि नेप्सेको वृद्धिमा भने दबाब पर्यो ।



लामो समयसम्म बजार झर्दा चरम निराशाको अवस्थामा पुगेका लगानीकर्ताहरुका लागि बजारमा सुधार आउनु निकै खुशीको विषय हो । तर बजार बेस्सरी बढेका बेला सेयर कारोबार गर्दा अझै बढी होसियारी हुन जरुरी हुन्छ । सामान्यतयः बढेका बेला बेच्ने र घट्दा किन्ने सिद्धान्त अवलम्बन गर्न सके क्षति न्यूनीकरणमा सहयोग पुग्न सक्छ ।



नयाँ वर्षको उमँगसँगै बजारमा तरलता सहज हुँदै गएको अनुमान गरिएको छ । नयाँ बजेट तयारी हुनै लाग्दा चालु बजेट खर्च गर्ने क्रम बढ्न थालेको छ । यसो हुँदा सरकारी कोषबाट पैसा बैंक तथा बजारमा आउने गर्छ । यसले पनि लगानीकर्तालाई सजिलो भएको अनुमान गरिंदैछ । तर यी सबै पक्ष सहायक मात्र हुन् ।



बजार चुलिनुमा निरन्तर भाउ घटेको मौकामा केही ठूला लगानीकर्ता प्रवेश गरेका थिए । सामूहिक लगानी कोषहरु र संस्थागत लगानीकर्ताले पनि यही मौकाको फाइदा उठाएको बुझ्न सकिन्छ । उनीहरुले यतिबेला मनग्ये नाफा लिन पाएका छन् । बजारमा उत्साह आउँदा साना लगानीकर्ता झुमिने त हाम्रो परम्परा जस्तै बनिसकेको छ ।

 

 

पछिल्लो समय पुँजी बजार चर्को बैंक ब्याजदरले थला परेको थियो । यही बेला सेयरको अधिक आपूर्तिले अप्ठेरो बनाएको हो । तर बजारमा उछाल आइरहँदा यो दुवै पक्षमा भने त्यति राम्रो सुधार भइसकेको अवस्था चाहिँ होइन । 

 

नेप्से सूचक ३१.८३ अंकले बढेर १३६३.०१ विन्दुमा आइपुगेको छ । समग्रमा बजार २.३९% ले बढेको हो । कुल १६५ कम्पनीको १ अर्ब १२ करोड रुपैयाँभन्दा धेरैको सेयर किनबेच भएको छ । कुल २४ लाख ४० हजार १०५ कित्ता सेयर किनबेच भएका छन् ।



नेप्सेमा कारोबार भएका सबै समूहका सूचकमा हरियाली छाएको छ । सबैभन्दा धेरै हाइड्रोपावर समूह १०७.७३ अंकले बढेको छ । यसैगरी, विकास बैंक समूह ६५.३४ अंक र बिमा सूचक ६३.५१ अंकले माथि लागेका छन् । वाणिज्य बैंक समूह पनि ३२.८९ अंकले बढेको छ । 
 

 

कारोबार रकममा युनाइटेड इन्सुरेन्स कम्पनीले अग्रता लिएको छ । युनाइटेडको ५ करोड ९२ लाख रुपैयाँभन्दा धेरैको सेयर किनबेच भएको हो । कारोबार रकमकै आधारमा दोस्रो र तेस्रो स्थानमा क्रमशः चिलिमे हाइड्रोपावर र सानिमा बैंक परेका छन् । 

 

                कारोबार रकमका आधारमा प्रमुख १० कम्पनी