भिडियो स्ट्रेट फरवार्ड कभर स्टोरी

‘१९५० को सन्धि ठिक हो’ भन्नेको दानापानी विदेशबाट आउँछ (भिडियोसहित)

‘१९५० को सन्धि ठिक हो’ भन्नेको दानापानी विदेशबाट आउँछ (भिडियोसहित)

काठमाडौं । डा. प्रेमसिंह बस्न्यात, कडा र चोटीलो अभिव्यक्ति दिने निडर विश्लेषकका रुपमा चिनिन्छन् । नेपाली सेनाका पूर्वजनरलसमेत रहेका बस्न्यातले यसपटक नेपालआजसँगको भिडियो कुराकानीका क्रममा विचारोत्तजक धारणा राखेका छन् । 

 

केपी ओलीले बोआओ सम्मेलन छाडेर भारत भ्रमणमा जानुलाई बस्न्यातले भारतको सफलता र केपी ओलीको असफलता मानेका छन् । भारतले ओली प्रधानमन्त्री हुनुअघि नै सुष्मा स्वराजलाई ओलीलाई फकाउन ‘तेलको टिन’ बोकाएर पठाएको बताए । 
केपी ओली कराएर हिँडे पनि भारतले तेल लगाउँदा लगाउँदा थाङनामा सुताइदिएको बस्न्यात दावी गर्छन् । 

 

बस्न्यातको मतमा भारतले नेपाललाई संसारका अरु देशसँग सम्बन्ध टुटाउन चाहेको बताए । बस्न्यात भन्छन्, ‘भोलि भारत नेपालका लागि खतरा हुन सक्छ । त्यो बेला नेपालका सहयोगी संसारका अरु देश बन्न सक्छन् । यसकारण हामीले भारतको चाल बुझ्नु पर्छ । कसैले छिमेकीसँगको सम्बन्ध अरुको जस्तो होइन भनेर लिखित रुपमा लेख्नु पर्छ भन्छन् भने त्यो गलत हो ।’


केपी ओलीसँग निक्कै आक्रामक बनेका बस्न्यातले प्रश्न गरे, ‘इयुको प्रतिवेदनलाई प्रधानमन्त्रीले विरोध गरे । सभामुख कृष्णबहादुर महराले प्रतिवेदन बुझे । यसो किन भयो ? जनतालाई जवाफ चाहियो ।’

बस्न्यातले माओवादीभित्र सयौं नेताहरु क्रिष्चियन रहेको दावी गर । उनले इयुको प्रतिवेदन बुझनेहरुलाई ‘नमक हराम’ को संज्ञा दिए । 

 

इयुको प्रतिवेदनले दिएको सुझावले नेपालमा जातीय द्वन्द्व बढाउन केन्द्रीत भएकोले यो खतरनाक रहेको बस्न्यात बताउँछन् । नेपालमा युरोपेली युनियनको पैसा खाएर चुच्चो नाक र थेप्चो नाकमा जनता विभाजन गरेर एक आपसमा लडाउनेहरु नेपाली पनि रहेको उनको मत छ । 

 

उनले भने, ‘नेपाल आमाका यस्ता कपुतहरुलाई डाँडा कटाउनु पर्छ ।’
 

नेपाल र भारतबीच भएको १९५० को सन्धिले नेपाललाई पराधीन सरह बनाएको बस्न्यात बताउँछन् । उनी भन्छन्, ‘नेपालको अन्नपानी खानेले १९५० को सन्धि ठिक भन्दैन । कतैबाट केही पाएर खाएर १९५० को सन्धि ठिक भन्नेहरु होलान । अरुको कुरा बोलिदेलान । तर भन्छु कि यो सन्धि घातक हो । म लोकराज बराल होइन । बराल त यस्ता मान्छे हुन् जसले शेरबहादुर देउवा भारत जाने बेला उनीकहाँ पुगेर १९५० को सन्धिका कारण हाम्रो देशको पराराष्ट्र र सुरक्षा भारतको छातामुनी छ भनेका थिए । टिभीमा बोले, अन्नपूर्ण पोस्ट्मा छापियो ।’

स्ट्रेट फरवार्ड डा. प्रेमसिंह बस्न्यात युरोपेली युनियन
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।