समाचार

खेल

म्यानचेस्टर सिटीले एक खेल जिते प्रिमियर लिग जित्ने

आइतबार, ०२ बैशाख २०७५ गते प्रकाशित
- Dhiraj Devkota

म्यानचेस्टर सिटीले एक खेल जिते प्रिमियर लिग जित्ने

च्याम्पियन्स लिगको क्वार्टरफाइनलमा लिभरपुलसँग नमिठो हारपछि म्यानचेस्टर सिटी फर्ममा फर्किएको छ। 

 

सिटीले प्रिमियर लिगअन्तर्गत शनिबार राति भएको खेलमा लिगको चौथो स्थानमा रहेको टोटनह्यामलाई ३–१ गोलअन्तरले पराजित गरेको हो । सिटीको जितमा ग्राबियल जेससले २२ मिनेटमा पहिलो गोल गर्दा गोन्डगनले २५ मिनेटमा अग्रता दोब्बर पारेका थिए ।

 

टोनटह्यामका एरिकसनले ४२ मिनेटमा गोल गरेपछि खेल २–१ को स्थितिमा आयो । ७२ मिनेटमा रहिम स्टलिङले सिटीका लागि तेस्रो गोल गर्दै टिमलाई जिततर्फ डो¥याए । 

 

लिगका अन्य खेलमा चेल्सीले साउथ ह्याम्टनलाई ३–२ गोलले हराएको छ । यता लिभरपुलले वर्नमाउनलाई ३–० गोलले पराजित ग¥यो । शीर्ष स्थानको सिटीले ३३ खेलबाट ८७ अंक जोडेको छ । अब सिटीले बाँकी ६ खेलमध्ये १ मा मात्र जिते पनि उपाधि उचाल्ने छ । 

 


आइतबार दोस्रो स्थानको म्यानचेस्टर युनाइटेडलाई वेस्ट ब्रुमले हराए पनि सिटी च्याम्पियन बन्नेछ । दोस्रो स्थानको म्यानचेस्टर युनाइटेडको ७१ अंक छ भने तेस्रो स्थानको लिभरपुलको ७० अंक तथा चौथो स्थानमा रहेको टोटनह्यामको ६७ अंक छ । ६० अंक जोडेको चेल्सी पाँचौ र ५४ अंक जोडेको आर्सनल छैटौं स्थानमा छन् ।