खेल

च्याम्पियन्स लिग फुटबलको सेमीफाइनल ड्र सार्वजनिक

च्याम्पियन्स लिग फुटबलको सेमीफाइनल ड्र सार्वजनिक

च्याम्पियन्स लिग फुटबलको सेमीफाइनल ड्र सार्वजनिक गरिएको छ। शुक्रबार सार्वजनिक गरिएको ड्रअनुसार इंग्लिस क्लब लिभरपुलले इटालियन क्लब रोमाको सामना गर्ने भएको छ भने दोस्रो सेमीफाइनलमा स्पेनिस क्लब रियल मड्रिडले जर्मन क्लब बायर्न म्युनिखलाई प्रतिद्वन्दीकाे रुपमा पाएको छ।

 

क्वार्टरफाइनलमा म्यान्चेस्टर सिटीलाई समग्रमा ५–१ ले पाखा लगाउँदै लिभरपुल अन्तिम ४ मा प्रवेश गरेको थियो। उसले फाइनल प्रवेशका लागि रोमासँग आफ्नै घरेलु मैदानमा अप्रिल २४ मा पहिलो लेगको खेल खेल्नेछ। दोस्रो लेगको खेल भने आगामि मे २ मा हुनेछ।

 

रियल र बायर्न म्युनिखबीचको पहिलो लेग अप्रिल २६ तथा दोस्रो लेगको खेल मे २ मा हुने तालिका छ। प्रतियोगिताको उपाधि भिडन्त युक्रेनको किभमा आगामी मे २६ मा हुनेछ।