खेल

टिम चौराह धनगढीले टस जितेर ब्याटिङ गर्दै, दुबै टिमको जितमा विदेशी खेलाडीको भुमिका निर्णयक हुने

शुक्रबार, ३० चैत २०७४ गते प्रकाशित
- नेपाल आज (NP)

टिम चौराह धनगढीले टस जितेर ब्याटिङ गर्दै, दुबै टिमको जितमा विदेशी खेलाडीको भुमिका निर्णयक हुने

काठमाडौं । धनगढीमा जारी सर्वाधिक पुरस्कार राशिको रुस्लान धनगढी प्रिमियर लिग (डीपीएल टु) को फाइनल भिडन्तमा अाज काठमाडौं गोल्डेन्स र साविक विजेता टिम चौराहा धनगढीबीच प्रतिस्पर्धा हुँदै छ । 

 

उपाधिका लागि टिम चौराह धनगढीले टस जितेर ब्याटिङ रोजेको छ । धनगढीले टस जितेसँगै काठमाडौं गोल्डेन्सले बलिङको निम्तो पाएको हाे । 

 

धनगढीको एसएसपी क्रिकेट मैदानमा हुने खेलमा दुबै टिम जित हात पार्दै डीपीएल–२ को उपाधि उचाल्ने दाउमा छन् । दुवै टिमको जितमा विदेशी खेलाडीको भुमिका निर्णयक हुने पक्का छ ।

 

सोमपाल कामीको कप्तानीमा रहेको टिम चौराह धनगढी पहिलो क्वालिफायरबाट फाइनलमा पुगेको हो । यता, ज्ञानेन्द्र मल्लको कप्तानीमा रहेको काठमाडौं दोस्रो क्यालिफायरमा महेन्द्रनगरलाई ५ विकेटले पराजित गर्दै फाइनलमा पुगेको हो ।

 

यसअघि विहिबार भएको खेलमा काठमाडौंले महेन्द्रनगर युनाईटेडलाई पाँच विकेटले पारजित गर्दे फाइनलमा स्थान बनाउन सफल भएको थियो। पहिलो क्वालिफायरमा काठमाडौं धनगढीसँग नै पराजित भएको थियो ।

 

दोस्रो संस्करणको डीपीएलको विजेताले २५ लाख नगद पाउनेछ । त्यस्तै, उपविजेताले १० लाख पाउने छ ।