राजनीति

भिडियो

कभर स्टोरी

विप्लवलाई कम्युनिष्ट नेताको आग्रहः चन्दा उठाएर क्रान्ति हुँदैन, आउनुस् एकता गरौँ  (भिडियाे)

हाम्रो प्रधान शत्रु प्रचण्ड–केपी

मङ्गलबार, २७ चैत २०७४ गते प्रकाशित
- नेपाल आज (RP)

विप्लवलाई कम्युनिष्ट नेताको आग्रहः चन्दा उठाएर क्रान्ति हुँदैन, आउनुस् एकता गरौँ  (भिडियाे)

काठमाडौं । नेपालमा कम्युनिष्ट पार्टीहरु बादलमा रुमल्लिएका झैँ देखिन्छन् । कम्युनिष्ट नेताहरु क्रान्तिको कुरा त गर्छन् उनीहरुसँग प्रष्ट खाका छैन ।

 

१० वर्षे युद्धबाट आएको माओवादी पार्टी फुटेर अहिले विभिन्न समूह बनेका छन् । शान्ति प्रक्रियासँगै उनीहरु आआफ्नै समूह बनाएर पार्टी संचालन गर्दैआएका छन् ।

 

मोहन बैद्य किरण, नेत्रविक्रम चन्द विप्लव लगायत नेताहरु पुष्पकमल दाहाल प्रचण्ड प्रतिक्रियावादीको गोटी बनेको भन्दै अझै क्रान्ति आवस्यक रहेको बताउँदैआएका छन् ।

त्यसो त, सुरुमा अलग भएका मोहन बैद्यलाई पनि आरोप लगाउँदै विप्लव एक्लिए । अहिले विप्लव नेतृत्वको पार्टी गाउँ गाउँमा सथानीय तहका प्रतिनिधिहरुलाई राजिनामा दिन दबाब दिन थालेको छ ।

 

बैद्य नेतृत्वको नेकपा क्रान्तिकारी माओवादीका नेताहरु भने निस्क्रिय छन् । यद्यपि उनीहरुबीच एकताको गुन्जासय छ । उनै मोहन बैद्य नेतृत्वको पार्टी नेकपा क्रान्तिकारी माओवादीका नेता तथा माक्र्सवादी लेखक हस्त केसीसँग नेपालआजले यसपटक बहस गरेको छ ।

 

कुनै बेला सँगै रहेका नेताहरु कार्यदिशा अलग भएको भन्दै अलग भएपछि नेपालको कम्युनिष्ट राजनीतिमा कस्तो प्रभाव पार्छ ? कम्युनिष्ट आन्दोलनको गति किन मधुरो भयो ? भन्ने जस्ता विषयमा बहस केन्द्रित छ ।

 

केसीले भने कम्युनिष्ट पार्टीको नेता मोहन बैद्य नै रहेको दाबी गरे । उनका अनुसार विप्लवको संगठन सक्रिय देखिए पनि कार्यदिशा गलत भएको आरोप लगाएका छन् ।

 

साथै सहर विद्रोह गर्दै जनताको बलबाट क्रान्ति गर्ने आफूहरुको कार्यदिशा रहेकोले विप्लव लगायत शक्ति पनि आफ्नो कार्यदिशामा आउनुपर्ने उनको सुझाव थियो ।

 

यसबाहेक प्रचण्ड र केपी ओली लगायत नेताहरु प्रतिक्रियावादीहरुको नोकर बनेको भन्दै उनीहरुविरुद्ध नै युद्ध हुने उनको चेतावनी छ ।