बैंकिङ

एनअार्इसीले ल्यायाे अतुलनीय सेवा, सेवासँगै माेबाइल रिचार्ज कार्ड

एनअार्इसीले ल्यायाे अतुलनीय सेवा, सेवासँगै माेबाइल रिचार्ज कार्ड

काठमाडौं । एनआईसी एसिया बैंकले ‘प्रिमियम समुन्नति बचत खाता’ सञ्चालनमा ल्याएको छ । बैंकले देशैभरिका कुनै पनि बैंकको एटिम मेसिनबाट जति पटक पैसा निकाल्दा पनि शुल्क नलाग्ने सुविधासहितको बचत खातामा सञ्चालनमा ल्याएको हो ।

 

सो खातामा निःशुल्क भिसा डेबिट कार्ड, क्रेडिट कार्ड, मोबाइल बैंकिङ सेवा, डिम्याट खाताका साथै वार्षिक लकर शुल्कमा ५० प्रतिशत छुट प्रदान गरिएको बैंकले जनाएको छ ।

 

साथै मासिक औसत १० लाखभन्दा बढी बचत रहेका ग्राहकलाई घरमै पुगेर सेवा प्रदान गरिनेछ । त्यस्तै सो खाता खोली मोबाइल बैंकिङ सेवा लिएपछि एनटीसी वा एनसेलको सय बराबरको रिचार्ज कार्डसमेत निशुल्क प्रदान गरिने छ ।

 

एक हजारमा न्यूनतम मौज्दातमा खोल्न सकिने सो खातामा वार्षिक ८ प्रतिशतका दरले मासिक ब्याज प्रदान गरिनेछ भने ग्राहकलाई ५ लाखसम्मको दुर्घटना बिमा सुविधासमेत निःशुल्क प्रदान गरिनेछ ।

 

साथै, यस खातामा निःशुल्क गुड फर पेमेन्ट चेक जारी गर्न सकिने सुविधा छ र ब्यालेन्स सर्टिफिकेट जारी गर्दा कुनै पनि शुल्क लाग्ने छैन ।

 

नेपालमा हालसम्ममा बैंक तथा वित्तीय संस्थाहरूले सञ्चालनमा ल्याएका विभिन्न बचत खातामा रहेका विशेषताको तुलनामा यो बचता खाता अत्यन्त आकर्षक एवं अतुलनीय सुविधाहरू रहेको बैंकले जारी विज्ञप्तिमा उल्लेख गरिएको छ ।

 

प्रिमियम समुन्नति बचत खाता सीमित अवधिसम्म मात्र सञ्चालनमा रहने बैंकले जनाएको छ ।

 

बैंकका मुलुकभर गरी १ सय ८४ शाखा र १ सय ८७ एटिएम संचालनमा छन् । बैंक ४ वटा एक्स्टेन्सन काउन्टर, ३ वटा ब्रान्चलेस बैंकिङ्ग युनिट र कुल ५ हजारभन्दा बढि रेमिट्यान्स पेमेन्ट एजेन्ट बैकिङ्ग सेवा प्रदान गरिरहेको छ ।

 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।