राजनीति भिडियो कुरा: खस्रा मिठा कभर स्टोरी

अरुणकुमारको सुझावः उत्तरकोरिया र अमेरिकाबाट नेपालले के सिक्ने ? (भिडियो)

प्राकृतिक स्रोधसाधनकै कारण नेपाललाई यस्तो खतरा !

अरुणकुमारको सुझावः उत्तरकोरिया र अमेरिकाबाट नेपालले के सिक्ने ? (भिडियो)

काठमाडौं । लामो वाकयुद्धमा रहेका अमेरिका र उत्तर कोरियाबीच अनौठो तरिकाले वार्ताको तयारी भइरहेको छ । यसका लागि हालै मात्र उत्तर कोरियाली प्रतिनिधि अमेरिका नै पुगे ।

 

अमेरिकाको सकारात्मक जवाफ आएपछि वार्ताको वातावरण थप सहज बन्ने देखिएको छ । त्यसो त, उत्तर कोरियाको छिमेकी मित्रराष्ट्र चीनले यसको लागि सहजीकरण गर्ने संकेत पहिलेदेखि नै देखाएको हो ।

 

रहस्यमयी मुलुक उत्तर कोरियासँग अमेरिकाको वार्ता भयो भने पक्कै पनि विश्वका धेरै मुलुकका लागि अचम्म लाग्नेछ । र त्यसको लाभ चीनले समेत पाउने पक्का छ ।

 

राजनीतिक विश्लेषक तथा लेखक अरुणकुमार सुवेदीको नियमित भिडियो ब्लग ‘कुरा खस्रा मिठा’ यही विषयमा केन्द्रित छ । सुवेदीले नेपालआजसँग दिएको अन्तरवार्ताको क्रममा उत्तर कोरिया र अमेरिकाबीच वार्तासँगै चीनको स्वार्थ जोडिएको बताएका छन् ।

 

चीनकै पहल

उत्तर कोरियाको छिमेकी मित्रराष्ट्र चीन विश्वभर शक्तिशाली मुलुक बन्ने तयारीमा छ । अमेरिकासँग उसले पक्कै पनि आर्थिक सम्झौतासँगै प्रतिष्पर्धा गर्नुपर्ने छ । कुनै बेला युद्धको संकेत दिइरहेका अमेरिका र उत्तर कोरियाबीच सम्बन्ध बिग्रिनु भनेको चीनको आर्थिक उन्नतिमा ठूलो धक्का भएको ठान्छन् विश्लेषक सुवेदी ।

 

त्यसो त, पहिलेदेखि नै उत्तर कोरिया र अमेरिकाबीच वार्ताको पहल चीनले नै गर्दैआएको उनले बताए । चीनले अमेरिकालाई रिझाएरै उत्तर कोरियासँग समझदारी गरेको अवस्थामा त्यो तीनै मुलुकका लागि लाभदायक हुने सुवेदीले बताए ।

 

यूरेनियममा अमेरिकी आँखा

दुई विश्वशक्ति चीन र अमेरिका आर्थिक उन्नति सँगै प्राकृतिक स्रोतसाधनको भरपूर प्रयोग गर्न पनि होडवाजी गरिरहेको बताउँछन् सुवेदी । जसरी सिरियामा युद्ध भयो त्यसै गरी उत्तर कोरियामा पनि अन्ततः युद्ध हुनसक्ने संकेत उनले दिएका छन् ।

 

उत्तर कोरियामा भएको यूरेरियमकै कारण त्यसमाथि चीन र अमेरिकाको आँखा परेको सुवेदीको तर्क छ । तत्कालका लागि चीन र अमेरिकाबीच आर्थिक सम्झौताहरु भए पनि अन्ततः उत्तर कोरियामाथि नजिकिनुको कारण प्राकृतिक स्रोतसाधन नै भएको उनले बताए ।

 

नेपालले के सिक्ने ?

नेपालका विभिन्न स्थानमा यूरेनियम भेटिएको भन्दै सरकारले नै सार्वजनिक गरेको थियो । तर यसरी ‘हल्ला’ गर्नु सरकारको अपरिपक्वता भएको ठान्छन् सुवेदी । नेपालमा रहेका स्रोतसाधनलाई पहिचान, संरक्षण र प्रयोग गर्न सक्नु नै हाम्रो बुद्धिमानी भएको उनले बताए ।

 

सिरिया लगायत मुलुकका उदाहरण दिँदै कुनै पनि मुलुकमा भएका स्रोधसाधनको प्रयोगकै कारण युद्ध हुनसक्ने उनले बताए । जसले गर्दा नेपाल जस्ता मुलुक भने चनाखो रहेर रहनुपर्ने उनको सुझाव छ ।

 

त्यसो त नेपालबाटै पानी युद्ध सुरु हुन्छ कि ? भन्ने जिज्ञासामा उनले त्यसको सम्भावना नभए पनि अन्य स्रोतसाधन उपभोगको विषयलाई लिएर जुनसुकै बेला शक्तिशाली मुलुकले आँखा लगाउनसक्ने खतरा उनले औंल्याए ।

 

अरुणकुमार सुवेदी कुरा: खस्रा मिठा
ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।