अपराध सुरक्षा

कस्तुरीको ११ थान नाभिसहति सुनचाँदी व्यापारी पक्राउ

शुक्रबार, १९ माघ २०७४ गते प्रकाशित
- नेपाल आज (TK)

कस्तुरीको ११ थान नाभिसहति सुनचाँदी व्यापारी पक्राउ


बारा । बाराको सिमराबाट ११ थान कस्तुरीको नाभिसहित एक जना पक्राउ परेका छन् ।

 


नेपाल प्रहरीको केन्द्रीय अनुसन्धान ब्युरो सीआईबीले जीतपुर सिमरा उपमहानगरपालिका–१ एयरपोर्ट रोडका बागलुङ सुनचाँदी पसलका सञ्चालन बलबहादुर विश्वकर्मालाई पक्राउ गरेको हो । इलाका प्रहरी कार्यालय सिमराको समन्वयमा सीआईबीको टोलीले सुन पसलमा अवैध रूपमा राखिएको ११ वटा संरक्षित वन्यजन्तु कस्तुरीको नाभि बरामद गरेको इलाका प्रहरी कार्यालय सिमराका प्रहरी निरीक्षक भुवन भट्टले जानकारी दिए ।

 

पक्राउ परेका विश्वकर्मालाई वन्यजन्तु ऐन अनुसार कारवाहीका लागि प्रहरीले बिहीबार जिल्ला वन कार्यालय बाराको जिम्मा लगाएको छ। पक्राउ परेका विश्वकर्मालाई थप अनुसन्धानका लागि जिल्ला वन कार्यालय बाराको हिरासतमा राखिएको छ।