राजनीति

भिडियो

कभर स्टोरी

केशव स्थापितका एक्सक्लुसिभ योजनाः हाम्रो नमुना सहरमा विश्वभरका मान्छे प्रेम गर्न आउँछन् (भिडियो)

लोकेसन फिक्स, डिस्क्लोज गर्न बाँकी

मङ्गलबार, ०१ फागुन २०७४ गते प्रकाशित
- नेपाल आज (RP)

केशव स्थापितका  एक्सक्लुसिभ योजनाः हाम्रो नमुना सहरमा विश्वभरका मान्छे प्रेम गर्न आउँछन् (भिडियो)

काठमाडौं । सहरी विकासका विज्ञ मानिन्छन् केशव स्थापित । उनको त्यही विज्ञताका कारण प्रदेश नम्बर ३ को सरकारले उनलाई भुमिसुधार तथा सहरी विकास मन्त्रीमा नियुक्ति गरेको छ ।

 

नवनियुक्त मन्त्री स्थापितले नियुक्ति भएपछि पहिलो पटक नेपालआजसँग आफ्नै निवासबाट अन्तरवार्ता दिएका छन् ।

 

यस क्रममा उनले आफ्ना योजना सुनाए । मास्टरप्लान सबै अहिले नै ‘डिस्क्लोज’ गर्न नमिल्ने भन्दै उनले केही आधारभुत योजना सुनाएका हुन् ।

 

३ महिने योजना

अबको ३ महिनाभित्र मन्त्री स्थापितले प्रदेश कानुन बनाउनुपर्ने बताएका छन् । जसले गर्दा कामको लागि आधारशिला तयार हुन्छ । यद्यपि त्यतिन्जेलसम्म केही देखिने र अनुभुति गर्ने काम भइसक्ने उनको विश्वास छ । ३ महिना मात्रै नभएर केही दिनमै

 

ड्रिम प्रोजेक्ट

स्थापितले केही ड्रिम प्रोजेक्ट सुनाएका छन् । जहाँ विश्वकै मानिसहरु आत्मशान्तिका लागि अउाने उनको विश्वास छ । अमेरिका, चीन, जापानका अत्याधुनिक सहर भन्दा पनि सुन्दर र नमुना सहर नेपालको प्रदेश नम्बर ३ मै तयार बनाउने उनले बताए ।

 

उनका अनुसार यो एउटा अकल्पनीय ‘मेगा सिटी’ हुनेछ । जहाँ पर्यटकदेखि विद्यार्थीहरु समेत आफ्नो उद्देश्य पूर्ति गर्ने उनले बताए ।

 

यस्तो सहर आगामी आर्थिक वर्षमा जग हालिसक्ने स्थापितले सुनाए । यसका लागि स्रोत साधन पनि तयार भइसकेको उनको दाबी छ । तर ती सपना सबै अहिले सुनाइयो भने काममा बाधा आउनसक्ने भन्दै केही गोप्य राखेका छन् ।

 

मेगा हाउजिङ

स्थापितको अर्को योजना मेघा हाउजिङ हो । यस योजना अनुसार सस्तोमा आकर्षक घर आम नागरिकलाई बिक्री गरिनेछ । स्थापितका अनुसार ती घर सुन्दर र बलिया पनि हुनेछन् ।

 

त्यस्ता घर सहरका सुकुम्बासी देखि एलिटसमेतका लागि हुने उनको तर्क छ । ‘सुकुम्बासी’ भन्ने नै केही नरहेको दाबी गर्दै उनले ती घर सबैका लागि सम्भव भएको बताए ।

 

‘विदेशमा रहेका नेपाली दाजुभाइको राम्रो घर किन्ने सपना हुन्छ । हामी दिलाउनेछौँ,’ उनले भने, ‘ती घर सुन्दर र सस्ता हुनेछन् । मैले सम्बन्धित प्रोफेसरसँग सोधेअनुसार १ हजार वर्ष टिकाउ हुनेछन् ती घर ।’

 

लभपार्क होइन, लभसिटी

कुनै बेला काठमाडौंमा लभपार्क बनाउने योजना बनाएका स्थापितले मन्त्री बनेपछि भने लभसिटी नै बनाउने बताए ।

 

‘तपाईँको लभपार्क योजना कहिले बन्छ त ?’ भनेर सोध्दा उनले भने, ‘लभपार्क मात्रै हैन अब त लभसिटी नै हुन्छ । विश्वका मानिसहरु यहाँ लभ गर्न आउँछन् अब ।’

 

यसरी स्थापितले मन्त्री नियुक्ति हुनासाथ पहिलोपटक नेपालआजलाई दिएको अन्तरवार्तामा ५ वर्षभरीमा प्रदेश नम्बर ३ लाई सुन्दर र अत्याधुनिक बनाउने बताएका छन् ।

 

यस अवधिमा उनले आफ्ना योजना प्रभावकारी रुपमा लागू गर्ने बताए । आम नागरिकले अनुभुति गर्न मिल्ने गरी हरेक साता नयाँ काम गर्ने भन्दै निर्माण आतंक नै ल्याउने उनले बताएका छन् ।