भिडियो

अनि स्वामी आनन्द अरुणलाई भेट्न मनले मानेन (भिडियोसहित)

बौलाउन सम्भव छ पुनर्जन्म सम्भव छैन 

अनि स्वामी आनन्द अरुणलाई भेट्न मनले मानेन (भिडियोसहित)

कृषि वैज्ञानिक मदन राई यौनको मामिलामा उदार छन् । उनको ज्ञान र ओशो रजनीशले दिएका जीवन दर्शन औषतमा उस्ता उस्तै लाग्छन् । रजनीशबाट प्रभावित उनी एकपटक ओशो तपोवनमा स्वामी आनन्द अरूणलाई भेट्न पुगेछन् । हुन त उनी ध्यानकर्ता होइनन् । ध्यानले समाधी प्राप्त हुुँदैन भन्ने उनको फरक मत छ । यौनका कुरामा आफ्ना विचार मिलेर मात्र उनले ओशो रजनीशलाई गुरू मानेका हुन् । यही शिलशिलामा तपोवन पुगेका उनी तपोवनको आधुनिक शौचालय देखेर दिक्क भए । उनकै शब्दमा ‘गुहु, मुुत पसिना’ र तत्व ज्ञानको महत्व नबुुझ्ने व्यक्तिलाई उनी कुनै पनि हालतमा गुुरू मान्न तयार छैनन् । तसर्थ उनी दिक्क मान्दै फर्किए । वैज्ञानिक दृष्टिकोणमा के साँच्चै ध्यानबाट समाधी प्राप्त हुन्छ ? धर्म गुरूले फैलाएका अफवाह, ओशो रजनीशभन्दा मदन राई कुुन हिसाबमा अघि ? जस्ता प्रसंगमा नेपाल आजले कृषि वैज्ञानिक मदन राईसँग गरेको कुराकानीको मुख्यमुख्य अंश । 

 

तपाई कृषि वैज्ञानिक र राजनीतिज्ञ हुनुहुन्छ । तपाईंलाई धेरैले यौन विश्लेषक भनेर पनि चिन्छन् । कतिपयले योगी, ध्यानी र सन्यासीले ‘मदन राईले दायराबाहिर गएर यौनको बारेमा विश्लेषण गर्नुभयो, हाम्रो व्यापारमा हस्तक्षेप गर्नुुभयो’ भन्छन्, यसबारेमा तपाई के भन्नुहुन्छ ? 
 

म एउटा सामान्य मान्छे हो । वास्तावमा म विशेषज्ञ होइन । यौनविज्ञ त झनै होइन । विज्ञानको विद्यार्थी हुनाले मलाई तत्वको ज्ञान भयो । मानिस उत्पत्तिको मुहान नै यौन हो । संसारमा सबैभन्दा बढी विकृति यौनबाटै आएका छन् । यौनकै कारण यौन हिंसा र महिला हिंसा हुन्छ । त्यसैकारण मैले यौन गर्ने मान्छे ठिक भएनन् भने सन्तान पनि ठिक हुँदैन भन्ने कुरा बुझेँ । मैले सिग्मड फ्रायडबादी, ओशो रजनीशको बारेमा धेरै अध्ययन गरेंँ । त्यही अध्ययन अनुभव गर्दा यौन त मानिसको निम्ति सबैभन्दा ठूलो आनन्दको मुहान रहेछ र यो बिग्रियो या यसलाई बुझिएन भने दुःख पाइने रहेछ भन्ने बुुझेँं । 

 

कहिलेबाट यौनसम्बन्धी अध्ययन गर्न थाल्नुभयो ? 
मैले यूएनको पेन्सन पकाएर नेपाल फर्किदाँ नेपाल बनाउँछु भनेर फर्किएको थिएँ । त्यहाँ हुँदा पनि विकास किन भएन भन्ने चिन्ताले पोलिरहन्थ्यो मलाई । विकासको लागि सबै सिद्धान्त लागू गर्दा पनि किन देश विकास भएन भनेर अध्ययन गर्दा सबै कुरा यौनमै गएर ठोक्किएको देखेंँ । यहाँ किसानले ठगेका छन्, व्यापारीले ठग्ने नै भए, मजदुरले मालिक ठग्ने, मालिकले मजदुर ठग्ने, कर्मचारीले जनता ठग्ने, यो सबै प्रक्रिया हेर्दा समस्या जन्ममा नै रहेछ भन्ने निष्कर्षमा पुगेंँ ।

वास्तवमा जन्म भन्नु नै यौन हो । भगवानको प्रसाद भनेर नचाहिँदो बच्चा जन्माइएको छ । शिक्षामा पनि यौन शिक्षा अत्यन्तै जरुरी रहेछ । आफैं बाबु बनेँ र अहिले बाजे भएंँ । दुई पटक विवाह गरेँं । १३ वर्षमा गरिएको विवाह राम्रो भएन र अर्को गरेंँ । पछि धेरै महिला साथीहरू पनि भए । यौ सबै अनुभवले यौन आनन्दको पराकाष्ठ भएको थाहा पाएँ । मैले खोलेको विद्यालयमा यौन शिक्षा दिएकै कारण त्यहाँ कुनै पनि यौनजन्य हिंसा छैन । जान्न सक्यो भने जन्दगीमा सबैभन्दा आनन्द र दुःखको कुरा नै यौन रहेछ । 

 

">

तपाईंलाई ओशोको कुन कुरा घत लाग्यो ? 
मैले यौनको कुरा अध्ययन गर्दा सिग्मण्ड फ्रायडको यौनका दर्शनबारे पढेंँ । त्यसै क्रममा रजनीशको ‘सम्भोग से समाधी’ भन्ने किताब पढेंँ । मलाई त्यो किताब एकदमै चित्त बुझ्यो । त्यो किताबमा सम्भोगबाट स्वर्ग जान पाइन्छ र स्खलनको समयमा स्वर्ग पुगिने भनेर त्यस किताबमा भनिएको छ । त्यो मलाई चित्त बुझ्यो । ओशो रजनीश उच्चस्तरका विद्वान हुन् । किताब विश्लेषण गर्ने र सजिलै बुझाउन सक्ने भएकाले उनी मेरो लागि गुरु भए । यौन सदाचार भएको करा उनले पनि उल्लेख गरेका छन् । बुद्धले यौन दूराचारभन्दा रजनीशले यो गलत भएको भनेका थिए । यो मेरो पनि धारणा हो । मभन्दा उच्च ज्ञान पाउनुभएकाले म उहाँलाई गुरु मान्छु । सबैजनाले कुनै एउटा स्वर्गीय आनन्द पाउँछन् भने त्यो यौन हो । रजनीशले यो कुरा खुलेरै भन्नुभयो । यो विचार मनपर्‍यो । 

 


ओशोको विचार भन्दा तपाईंको विचार कुन कुरामा अगाडि छ ? 
मेरा विचार तत्व ज्ञानको कुरामा अघि छ । ओशोले गुहु, मुत र पसिनाको बारेमा बोल्नुभएको छैन । यो कुरा उहाँले विज्ञानको विद्यार्थी नभएर नि गर्नुभएन कि ? यो विषयमा न बुद्ध पुगे न रजनीश । संसार तत्वले बनेको छ । त्यो नाश गर्न सकिदैंन । यो कुरा कसैले पनि भन्न सकेको छैन । त्यसकारण तत्व ज्ञानको कुरामा यसमा म अलि अघि छु कि जस्तो लाग्छ । 

 

तत्व १ सय १८ प्रकारका छन् । यिनै तत्वले पञ्चतत्व बनेको छ । घाम, पानी आकाश, धर्ती र हावा । यो पञ्च तत्वको सन्तान रूख विरूवा हो । तिनै पञ्च विरुवाको सन्तान फेरि पञ्च प्राणी हो । यो तत्व एक आपासमा मिलिरहन्छ । जगत बनेको पञ्चतत्वले हो भने जीवन बनेको पञ्च अंगले हो । यत्ति जन्यो भने धेरै कुरा जानिन्छ । अहिले भएको समस्या नै गुहु, मुत र पसिनाको कारण हो । म जसले जेसुकै गरेपनि बाचुञ्जेल यो कुरा गरिरहन्छु । बोल्ने मात्र होइन अभ्यास गर्दै छु । तात्विक रुपमा प्रमाणित गरेरै म बोल्दै छु । बोल्ने क्रममा विभिन्न शब्दावलीको  प्रयोग गर्दा मलाई धेरैले फोहोरी भन्छन् ।  धेरै कुामा म फरक छु जसको लागि म माफी माग्छु । सरकारले जेल होलोस् या कसैले गोली हानोस् म बोल्न डराउँदिन । गुहु र मुत फोहोर हुँदै होइन । फोहोर त भात हो । भात उत्पादन हुने धानले हो र धान उत्पादन हुने गुहुले हो ।

 

तपाईंको विचारमा अहिलेको मानव सभ्यताको इतिहासमा सबैभन्दा आधुनिक दर्शन ओशोकै हो ? 
गुहु मुत र पसिनाबाहेक सबैभन्दा धेरै विषयमा उहाँले नै जीवन दर्शन दिनुभएको छ । उहाँकै आश्रममा पनि शौचालय आधुनिक छ । ओशोको आश्रमको ट्वाइलेट देख्ने बित्तिकै मलाई विरक्त लाग्यो । आश्रममा ध्यान गरिरहेको पनि देख्छु । ध्यान भनेको सुत्नुपर्ने हो । सुत्नु नै ध्यान हो र योग भनेको शरिर चलाएर काम गर्ने हो । कुनै पनि धर्म गुरूसँग मेरो कुरा मिल्दैन । जहाँ दिशा गर्ने आधुनिक चर्पी देख्छु मलाई विरक्त लाग्छ, तत्वज्ञान नभएको व्यक्तिलाई म गुरु मान्नै सक्दिन । ओशो तपोवनमा अरुणजीलाई भेट्न गएको थिएँ । शौचालय देखेर भेट्न मन लागेन । मेरो लागि तत्व ज्ञान नभएका व्यक्ति अर्धज्ञानी हुन् । 

 

ओशो तपेवनमा के भएको भए अझै राम्रो हुन्थ्यो ? 
गुहु, मुत र पसिनालाई चक्रमा हालेको भए म राम्रो मान्थें । तत्वलाई केन्द्रमा नहालेपछि  जंगलमा हाल्नुपर्ने गुहु ,मुत सेप्टी ट्यांकीमा जान्छ जसले राम्रो गर्दैन । म प्रर्थाना धेरै गर्दिन । ध्यान पनि गर्दिन । म कि काम गर्छु कि सुत्छु । सबैभन्दा धेरै राम्रो ध्यान सुत्नु हो । आनन्दले सुत्नुजति राम्रो अरू केही होइन । त्यहाँ अरूण स्वामीलाई भेट्न पुगेको म शौचालय देखेर दिक्क भएर स्वामीलाई नभेटी फर्किएँ । 

 

केही धर्म गुरुले ध्यानको माध्यमबाट मरेको मान्छेसँग साक्षात कुरा गर्ने र पूनर्जन्म हुने कुरा गर्छन् । तपाईंलाई विश्वास लाग्छ ? 
म अनौठो मान्छे छु । तर विज्ञानको तत्वले हेर्दा मेरो शरिर तत्वले बनेको छ । म मरेपछि सबै टुक्रा टुक्रा हुन्छ । शरीर भनेको देखिने हो र शरीरको तत्व टुक्रिएर भोलि माटो, विरुवा आदिको रुपमा जान्छ । आत्मा भनेको तरंग हो जुन देखिदैंन । मेरो आत्माको पनि एक रुप हुन्छ । शरीर टुक्रिनासाथ त्यो पनि फेरि टुक्रिन्छ । नटुक्रिने हो भने मेरा मरिसकेका बाबुबाजे ‘ओइ मदन’ भन्दै आउथे होला । 

 

तपाईं वैज्ञानिक पनि हुनुहुन्छ, वैज्ञानिक दृष्टिकोणबाट हेर्दा बुुद्धत्व प्राप्त गरेको मान्छेले मृत आत्मासँग साक्षात्कार गर्न सम्भव छ ? 
बौलाउन सम्भव छ तर यसरी मरेको मान्छेसँग साक्षात्कार गर्न सम्भव छैन । आत्मा टुक्रिसकेको हुन्छ । हुबहु त हुँदै हुँदैन । आत्मा भनेको तरंग हो । त्यो देखिदैंन । क्वान्टम थ्योरीले यो पनि प्रमाणित गरिसकेको छ । आत्माको रुप बदलिएर आत्माको तरंगले अरु आत्मा बनेको हुन्छ तर हुबहु हुँदैन । म चाहीँ पूनर्जन्म हुन्छ भनेर विश्वास गर्नु बौलाउनु हो भन्छु । ध्यानबाट समाधी प्राप्त गर्न कसैले सक्दैन । तर यौनबाट समाधी सबैले प्राप्त गर्न सक्छ । 

 

 

बुद्ध धर्मका गुरूहरू रिम्पोचेहरु आफ्नो पूनर्जन्म भएको भन्छन्, हिन्दू धर्ममा पनि लाखौं जुनी पार गरेपछि फेरि मानव जीवन पाइन्छ भनिन्छ, यो बुझेरै भनिएको हो ? पूर्नजन्मका बारेमा प्रष्ट पारिदिनुस् न । 
यो सबै अज्ञानताको पराकाष्ठ हो । म शंकाराचार्य, रिम्पोचे धेरैकोमा पुगेको छु । उहाँहरू वास्तावमै धरै ज्ञानी हुनुहुन्छ र तर उहाँहरुले गर्नुभएको कुरा र काम तत्व र विज्ञानसँग मिल्दैन ।  

 

कति गुरूहरुले ‘म पहिलो जन्ममा बिहारको राजा थिएँ’ भन्नहुन्छ । उहाँहरूले ठग्नुभएको हो कि के हो ? 
यो सबै भ्रम हो । पूनर्जन्म हुन्छ नै भन्ने छ भने कति कायापलाट हुनुपर्ने । विशिष्ट प्रतिभाहरु फेरि जन्मँदा फेरि क्रान्तिकारी काम गर्नु पर्ने । त्यस्तो त भएको छैन । मानवीय गलत व्यवहारले प्रकृति समाप्त हुने बेला भइसकेको छ । हावा, आकाश, पृथ्वी सबै सकिन लागिसक्यो । यो हुुने भए म बिल गेट्स भएर जन्मिन पाए हुन्थ्यो भनेर मर्थें । तत्वको हिसाबले म पूनर्जन्ममा विश्वास गर्दिनँ । 

 

केही साधुसन्तहरु अक्सिजनबिना पनि लामो समय जीवीत भएको दावी गर्नु हुन्छ । के यो सम्भव छ ? 
एकजना मान्छे अक्सिजनबिना बाँच्न सक्ला तर सबै सक्दैनन् । एकजना चमत्कारी भएर अरुलाई काम नै लाग्दैन । वैज्ञानिक हिसाबले अक्सिजनले ब्लडमा गएर काम गर्ने हो । यसका धेरै कामहरू छन् । यो बिना बाँच्न सक्नुु महाअपवादको रुपमा उहाँहरुको शरीरको बनावट त्यस्तै होला । तर मानवको लागि यो सम्भव छैन । उहाँको दर्शन मलाई थाहा छैन । अरुले विश्वास गरे पनि म विश्वास गर्दिनँ । 

 

रामबहादुर बमले बिहारमा बसेर पानी पनि नखाई तपस्या गरें भन्ने दाबी गर्नु भयो, यस्तो सम्भव छ ? 
सम्भव हुन सक्छ । सबैको शारीरिक बनावट एउटै हुन्छ भन्ने छैन । कसैले अक्सिजन मात्र लियो भने पनि पुग्छ । ठूलो उमेर पुगेपछि र मासुु, हड्डी बन्ने काम सकिएपछि पानी या अक्सिजनलेमात्र पनि बाँच्न सकिछ । हावामा सबै खालको तत्वहरू छ । अक्सिजन पर्याप्त छ । 

 

भारतका गुुरु र नेपालका गुरुलाई महिलालाई यौन शोषणको आरोप लाग्ने गरेको छ । तिनै साधुहरु यौनदेखि टाढा हुने गर्छन्, यौनबाट टाढा हुन सम्भव छ ? 
 

मानिसमा यौनजन्य हर्मोन कति छ त्यसमा पनि भर पर्छ । सेक्स हर्मोन धेरै हुनेहरू सेक्स नगरि बस्न सक्दैनन् । थोरै हुनेहरु सक्छन् । पहिलाका गुरुमा त्यो हर्मोन प्रशस्त थिएन होला र उनीहरूले सम्भोग गरेनन् । पछि अन्य गुरूले सम्भोग गर्न नहुुने भ्रम पाल्न थाले । 

 

पूनर्जन्म सम्भव छैन भन्नुुभयो, नेपालमा ओशो तपोवनका आनन्द अरुणले आफ्नो पूनर्जन्म भएको र मृत आत्मासँग साक्षात्कार गरेको भन्नुहुन्छ, तपाईंलाई के लाग्छ ? 
 

उहाँको आफ्नो विश्वास हो तर यो उहाँको भ्रम हो । हिन्दूूधर्ममा बुद्ध विष्णुको अवतार हो भनिन्छ भने अहिलेका गुरुले रजनीश बुद्धको अवतार भन्ने गर्छन् । भ्रममा बाँचेका मान्छेले दाबी गर्नु र आफैंले भन्नुमा फरक छ । रजनीशले आफूूलाई कहिल्यै बुद्धको अवतार भनेनन् । अझै बुद्धले त भनेकै छैनन् । उनले त आफूलाई पूूजा नै नगर भनेका थिए । 

 

यौन र भ्रष्टाचार कसरी जोडिएको छ ? 
भयंकर जोडिएको छ । यौनसम्पर्क राख्नको लागि पैसा चाहिन्छ , पैसाको लागि भ्रष्टाचार गर्छन् मान्छेहरू । यदि अहिलेकै किताब घोेकाउने शिक्षा हुने हो भने अबको २० वर्षमा २० लाख वेश्या हुन्छन् । वेश्या परिचालन गर्ने एक करोड गुण्डा हुन्छन् । सरकार त्यही गुण्डाको पछि हुन्छ । यौन भनेको मानवको सबै कुरा हो  । त्यसकारण  यसको शिक्षा ज्ञान र सहि सदुपयोग हुनुपर्छ । 

 

बलात्कार र यौनसँग के सम्बन्ध छ ? 
बलात्कार भनेको चार्ज हो । १२ वर्ष पुगेपछि हाम्रो जवानी शुरु हुन्छ । महिलामा यौन चाहना अघि पनि हुन्छ तर महिनावारी पछि खपिनसक्नुगरि हुन्छ । केटामा ‘नाइट फल’ हुन्छ । घरमा आमाबाबु छोरी सबै हुन्छन् । कुनै व्यक्तिमा प्रशस्त सेक्स हर्मोन छ भने उसलाई चार्ज भएको समयमा आमा नै भएपनि उसले सहन सक्दैन । सहन नसकेको खण्डमा केटीहरूले जबरजस्ती गरेको आफूले पनि भोगेको छु र देखेको छु ।

 

 

बलात्कारबाट कसरी बच्ने ? 
भाग्ने उपाय छ भने भाग्ने । उपाय छैन या एक्लो केटा छ भने फकाएर मलाई मन छैन रजस्वला भयो पछि भेटौंला भन्ने । यदि यो पनि भएन भने उनीहरुको लिंग हलुका चलाईदिएर स्खलन गराई दिने अनि त्यो आफैं भागिहाल्छ । धेरै मान्छे छन् भने पालैपालो फकाउने । यति गर्दा पनि भएन भने अण्डकोष च्याप्पै समातेपछि त्यो त हल्लिन पनि सक्दैन । धेरै उपाय छ तर आफू डराउनु हुँदैन । लोग्ने मान्छे स्खलित भएपछि केही पनि गर्न सक्दैन । आत्तिएर करायो भने झनै बिग्रिन्छ । मान्छेले बुझ्यो भने गाह्रो छैन । अनेक कुुरा छ तर मान्छेले यो कुरालाई कुण्ठित बनाएका छन् । 

 

 

तपाईको विद्यालयमा पनि यौन खुल्ला छ ? 
१२ वर्ष पुगेपछि विद्यार्थीलाई मैले मेरो विद्यालयमा यौन शिक्षा दिने गरेको छु । विद्यालयमा तरुनी तरुना थुप्रै छन् । उनीहरुमा यौन शिक्षा प्रशस्त छ । खुल्ला रुपमा एक अर्काबीच मित्रता छ भन्ने सुुनिन्छ । १६ वर्षदेखि मैले फ्रि गरिदिएको छु । विद्यार्थी २४ घन्टै सिक्नमा व्यस्त हुन्छन् । अलि अलि जोडी पनि देख्छु । उनीहरूबीच के कस्तो सम्बन्ध हुन्छ म हेर्न जादिनँ । 
 

ADVERTISEMENT

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।