कला साहित्य

कविताः वाह क्या छ मेरो देश

कविताः वाह  क्या छ मेरो देश

दिनानुदिन दुर्घटना हुन्छ हाम्रै देशमा 

बालिका महिला बलात्कृत हुन्छन्

सोझी महिला बोक्सी हुन्छन्

अनि गरिब निमुखा जनतालाई पछाडि पारिन्छ, हाम्रै देशमा

वाह  क्या छ मेरो देश

 

कसलाई दोष दिनु हजुर स्वार्थी छन् सबै
नेतादेखि प्रहरी प्रशासन चोर व्यापारी
गुण्डा मिलेको देश
वाह क्या छ मेरो देश

 

नियम बन्छ नियति उस्तै हुन्छ 
जसलाई जे मन लाग्छ त्यही गरे हुन्छ
कोही बोल्दै बोल्दैनन् 
बोल्नेहरु केही गर्दैनन् 
कुरै कुराले भरिएको छ यो देश 
वाह, क्या छ मेरो  देश 

 

कोही गर्छन् झेल 
कोही गर्छन् मेल 
मेल झेल र बेमेलले  
प्रशिद्ध छ मेरो देश 
वाह, क्या छ मेरो  देश 

 

सुन्दर देश भन्दा भन्दा 
भन्नेहरु थाकिसके 
सुनको थाल बोकेर
मांग्न बसेकाहरु 
थाकिसके 
तर पनि यो कुरै कुराले 
गिजोलिएको, थिलथिलिएको 

यो देश 

चामल किन्ने युवा बेच्ने 
वाह, क्या छ मेरो देश 

–सम्झना श्रेष्ठ