समाचार

प्रदेश १

उपचारका क्रममा कैदीको मृत्यु

बिहिबार, २२ कार्तिक २०७५ गते प्रकाशित
- नेपाल आज

उपचारका क्रममा कैदीको मृत्यु

बनियानी । झापा जिल्ला कारागारका एक कैदीबन्दीको मृत्यु भएको छ । लागूऔषध मुद्दामा कैद भुक्तान गरिरहेका बिर्तामोड–७ का केशव प्रसाईंको मृत्यु भएको जिल्ला प्रहरी कार्यालयका प्रहरी नायब उपरीक्षक महेन्द्रकुमार श्रेष्ठले जानकारी दिए ।

 

 

 

उनका अनुसार मृतक प्रसाईंको दुवै मृर्गौला फेरिएको थियो । मृर्गौलापीडित प्रसाईंको स्वास्थ्यमा खराबी आएपछि उपचारका लागि मेची अञ्चल अस्पताल लगिएकामा बुधबार उपचारका क्रममा उनको मृत्यु भएको थियो ।

 

 

प्रसाईंलाई उक्त मुद्दामा जिल्ला अदालतले १२ वर्ष कैद सजाय सुनाएको थियो । उनले २०७३ असोज १० गतेदेखि कैद भुक्तान गर्दै आइरहेको प्रनाउ श्रेष्ठले बताए ।